BUU-nyń jarııalaǵan esebine sáıkes, elektrondyq úkimetti damytý boıynsha kóshbasshylardyń alǵashqy úshtigine Danııa, Ońtústik Koreıa jáne Estonııa endi.
TMD elderi arasynda Qazaqstan 1-oryndy ıelendi. Qazaqstannan keıin Reseı (36), Belarýs (40), Ýkraına (69), Moldova (79), О́zbekstan (87)jáne t.b.elderornalasqan.
Osy jylǵy reıtıngte Portýgalııa 35-shi, Italııa 37-shi, Belgııa 41-shi, Qytaı 45-shi, Malaızııa 47-shi orynda tur.
Qazaqstannyń atalǵan reıtıngtegi eń joǵary pozısııasy 28-oryn 2014 jyly tirkelgen edi. 2016 jyly 33-orynǵa, al 2018 jyly 39-orynda boldy. Osylaısha, sońǵy 2 jyldaǵy kórsetkish boıynsha Qazaqstan10 pozısııaǵa joǵarylady.
Elektrondyq úkimetti damytý boıynsha BUU-nyń jahandyq reıtınginde (EGDI) úsh komponent negizge alynady: elektrondyq qyzmetterdi (OSI), adamı kapıtaldy (HCI), telekommýnıkasııalyq ınfraqurylymdy damytý (TII).
2018 jylǵy kórsetkishpen salystyrǵanda elektrondyq úkimetti damytý ındeksi (EGDI) 2020 jyly 10.2%-ǵa, onlaın qyzmetter boıynsha 6,38%-ǵa, adamı kapıtal boıynsha 5.6%-ǵa ósti.
Joǵary 22.7% kórsetkish telekommýnıkasııalyq ınfraqurylymdy damytý salasynda baıqaldy. Sonymen qatar, elektrondyq qyzmetter deńgeıi boıynsha Qazaqstan eń joǵary ball aldy. Reıtıngte bul kórsetkish 1% dep baǵalansa, Qazaqstannyń kórsetkishi 0,92% dep baǵalandy.
Elektrondyq úkimetti qoldanýdy damytý boıynsha (E-participation) Qazaqstan 16 pozısııaǵa kóterilip, 26-orynǵa shyqty. Bul ındeks azamattardyń sheshim qabyldaý prosesine qatysýyn, memleket qyzmetiniń ashyqtyǵyn kórsetedi, bul "estýshi memleket"saıasatyna sáıkes keledi.
Jergilikti jerlerde onlaın-qyzmetterdi damytý boıynsha Almaty qalasy reıtıngke qatysqan álemdegi 100 qalanyń ishinde 29-orynda.
