Bıylǵy jyldyń 9 tamyzynda respýblıka boıynsha 7 tabıǵı órt jáne 18 dala janýy oqıǵasy tirkeldi.
Pavlodar oblysyndaǵy 2 tabıǵı órt jáne Qaraǵandy oblysyndaǵy 1 janý TJK baqylaýynda, olardy joıý boıynsha sharalar qabyldanýda.
Budan basqa, ótken táýlikte Aqmola, Almaty, Aqtóbe, Shyǵys Qazaqstan, Batys Qazaqstan, Qaraǵandy, Pavlodar, Túrkistan oblystaryndaǵy tabıǵı órtter jáne qurǵaq shóptiń janýy joıyldy. Atalǵan óńirlerde janýdyń jalpy aýdany 293 ga qurady. О́rtti joıýǵa TJD, erikti órt sóndirý quramalarynyń, orman sharýashylyqtarynyń kúshteri men quraldary jumyldyryldy.
IIM TJ komıteti azamattardy dala jáne orman alqaptarynda bolǵan kezde qaýipsizdik erejelerin saqtaýǵa shaqyrady. Tabıǵı órtterdiń týyndaýynyń negizgi sebepteri halyqtyń otty abaısyz paıdalanýy, sóndirilmegen temeki, alaý, janyp jatqan sirińke, atýdan keıingi tyǵynnyń byqsýy, maıly nemese tozyǵy jetken shúberek, shyny bótelke, kún sáýlesiniń synýy, kólik quralynyń sóndirgishinen ushqyn, qurǵaq eski shópti jaǵý, naızaǵaıdyń oınaýy.
