Nur-Sultanda 12 myńnan astam pedagog (mektep, kolledj, balabaqsha tárbıeshileri) qashyqtan oqytýdy uıymdastyrý boıynsha onlaın-kýrstardan ótti. Balalar, ata-analar jáne balabaqsha qyzmetkerleri úshin jumys algorıtmderi jasaldy. Barlyq nysandar sanıtarlyq talaptarǵa saı daıyndalǵan.
Budan basqa, "Elordalyq elektrondy mektep" elektrondy platformasy ázirlendi, onda qysqa merzimdi sabaq josparlary, beıne-sabaqtar men sabaqtar, bilim berýdiń sıfrlyq resýrstary jáne t.b. ornalastyrylǵan.
Nur-Sultandaǵy bilim berý uıymdarynda jańa oqý jyly qashyqtan bastalady. Ata-analardyń ótinishi boıynsha 1-4 synyp oqýshylary úshin "kezekshi synyptardyń" jumys isteýi josparlanýda. Bul rette barlyq sannormalar qatań saqtalady. Pedagogtardyń 30% - ǵa jýyǵy shtattyq rejımde, onyń ishinde kezekshi toptarda sabaq berý úshin jumysqa shyǵady.
Az qamtylǵan otbasylardan shyqqan oqýshylardy qashyqtan oqytý kezinde kompıýterlermen jáne roýterlermen qamtamasyz etý úshin shamamen 6 mlrd teńge bólindi. Bul halyqtyń áleýmettik osal toptarynyń barlyq balalaryn qamtýǵa múmkindik beredi (shamamen 34,5 myń bala).
