Jýaly aýdany Qaırat aýylynyń 79 jastaǵy turǵyny koronavırýs belgileri boıynsha jedel járdemmen Jambyl oblystyq kópbeıindi balalar aýrýhanasyna jetkizilgen.
Medısınalyq tekserý kezinde Amanjol Dúráliulynda aýyr dárejeli COVID-19, eki jaqty vırýstyq pnevmonııa, tynys alý jetkiliksizdiginiń úshinshi satysy anyqtalǵan.
Aqsaqaldyń qosymsha sozylmaly aýrýlar bar. Atap aıtsaq, júrektiń ıshemııalyq aýrýy, ıshemııalyq kardıomıopatııa, júrek jetkiliksizdigi jáne úshinshi satydaǵy gıpertenzııa. 2019 jyly ol jedel mıokard ınfarktisin bastan ótkergen. Táýekel toby óte joǵary.
Qarııa eki kún jansaqtaý bóliminde bolyp, О́JJ apparatyna qosylǵan. Dárigerlerdiń naqty jáne úılesimdi áreketiniń arqasynda ol vırýsty jeńip, tolyq aıyǵyp, aýrýhanadan shyǵaryldy.
Amanjol ata medısına qyzmetkerlerine rızashylyǵyn jetkizip, densaýlyq, uzaq ǵumyr tiledi.
«Alla sizderdiń ıgi isterińiz ben adal eńbekterińizdi eselep qaıtarsyn. Otbasylaryńyz aman, elimiz tynysh bolsyn», - dedi ol.
