KABÝL, 2020 jylǵy 12 tamyz – Qazaqstannyń Aýǵanstandaǵy Elshisi Álimhan Esengeldıev Aýǵanstannyń densaýlyq saqtaý mınıstri Ahmad Djavad Osmanımen kezdesý ótkizdi.
Kezdesý barysynda taraptar eki elde koronavırýstyq ınfeksııanyń taralýynyń qazirgi jaǵdaıyn, densaýlyq saqtaý salasyndaǵy yntymaqtastyqtyń perspektıvalyq baǵyttaryn jáne ózara qyzyǵýshylyq týdyratyn basqa da máselelerdi talqylady.
Densaýlyq saqtaý mınıstri Qazaqstanǵa koronavırýs pandemııasy kezeńinde Aýǵanstan halqyna kórsetken kómegi úshin izgi rızashylyǵyn bildirdi.
2020 jylǵy 20 maýsymda Haıraton qalasynda Aýǵanstan Islam Respýblıkasynyń halqy úshin Qazaqstandyq gýmanıtarlyq kómekti resmı tapsyrý rásimi ótti.
Barlyq sanıtarlyq-epıdemıologııalyq normalardy saqtaı otyryp, ishinde 1900 tonna un, 500 tonna makaron ónimderi, 4 myń lıtr kúnbaǵys maıy jáne 200 myń qoıýlatylǵan sút bankalary kiretin 46 vagon gýmanıtarlyq júk jetkizildi.
Atalǵan azyq-túlik ónimderin AIR úkimeti eldiń muqtaj aımaqtaryna taratty.
