Jaqynda «Qazaqstan» ulttyq arnasy «Sheteldegi qazaq balalary» atty jańa jobany kórermenge usynǵan bolatyn. Shynyn aıtý kerek, atamekennen alystap qalǵan kishkentaı qarakózderdiń keıingi taǵdyry týraly kóp nárse bizge beımálim bolyp keldi. Qazaqstannan bala asyrap alǵan adamdar kimder, olar sol sábılerdiń týǵan ata-anasyndaı qamqorlyq tanyta alyp júr me, sheteldegi jetimder problemasy qalaı sheshilýde? Mine, osy jáne munan da basqa kókeıdegi kóp saýalǵa tyń jobadan jaýap tabylady.
Jaqynda «Qazaqstan» ulttyq arnasy «Sheteldegi qazaq balalary» atty jańa jobany kórermenge usynǵan bolatyn. Shynyn aıtý kerek, atamekennen alystap qalǵan kishkentaı qarakózderdiń keıingi taǵdyry týraly kóp nárse bizge beımálim bolyp keldi. Qazaqstannan bala asyrap alǵan adamdar kimder, olar sol sábılerdiń týǵan ata-anasyndaı qamqorlyq tanyta alyp júr me, sheteldegi jetimder problemasy qalaı sheshilýde? Mine, osy jáne munan da basqa kókeıdegi kóp saýalǵa tyń jobadan jaýap tabylady.
Ulttyq arna tilshisi Janar Baısemizova Eýropa elderinde arnaıy issaparda bolyp, sheteldikter asyrap alǵan qazaqtyń jetim balalarynyń taǵdyry men tynys-tirshiligin zerttep-zerdelep qaıtqan eken.
1993 jyldyń 10 mamyrynda Gaagada qabyldanǵan «Balalardy qorǵaý jáne sheteldikterdiń bala asyrap alýyn qoldaý týraly» Konvensııa boıynsha jetimderimizdi óz azamattarymyzǵa tárbıeleýge berý múmkin bolmaǵan jaǵdaılarda ózge eldiń azamattarynyń qamqorlyǵyna berýge ruqsat etilgen edi.
Osy zań negizinde sheteldikter Qazaqstannan 8 806 jetim balany asyrap alǵan eken. Olardyń búgingi tańda 6 myńǵa jýyǵy – AQSh-ta, 725-i Ispanııada, 426-sy Belgııada turady.
– Qazaqstanda sheteldikterdiń qazaq balalaryn asyrap alýy eń kóp talqylanǵan taqyryptyń biri. Qoǵam nazaryn aýdaryp otyrǵan bul másele alty jyldan beri oılanyp júrgen taqyrybym edi. Biraq bul oıym tek «Qazaqstan» ulttyq arnasyna jumysqa kelgen sátimde júzege asty, – deıdi bizben áńgimesinde Janar Baısemizova.
«Qazaqstan» ulttyq arnasynyń negizgi maqsaty – ulttyq murat-múddege qyzmet etý desek, sheteldegi qazaq balalarynyń ómiri men ózekti máselesin udaıy nazarda ustaý arqyly ulttyq arna óz ustanymyna berik ekenin taǵy bir márte dáleldep otyr.
«Qazaqtyń balalary taǵdyrdyń jazýymen qaı eldiń azamattyǵyn alǵanmen, ol bizdiń qaı kezde de qandasymyz bolyp qala beredi. Sheteldegi árbir qazaq balasy óziniń Qazaqstan deıtin uly Otany bar ekenin bilip ósýi kerek», – deıdi jobaǵa qoldaý kórsetken korporasııa basshylyǵy.
Nurzada KÚMISBEK,
L.N.Gýmılev atyndaǵy Eýrazııa
ulttyq ýnıversıtetiniń stýdenti.
