Ádep jónindegi keńeste qaralǵan máselelerdiń 14-i tártiptik is bolǵan. Qalǵan otyrysta Memlekettik qyzmet jáne sybaılas jemqorlyqqa qarsy is-qımyl týraly zańnamalardyń oryndalýy, Ádep kodeksi buzýshylyqtarynyń profılaktıkasy jáne memlekettik organdardyń Ádep jónindegi ýákilderdiń esebi qaralǵan.
Ádep jónindegi keńestiń sheshimimen Ádep kodeksi talaptaryn buzǵany úshin 2 memlekettik qyzmetshige jáne memlekettik qyzmetke kir keltiretin tártiptik teris qylyqtarǵa jol bergeni úshin 6 memlekettik qyzmetshige tártiptik jaza kórilgen.
Oblystaǵy memlekettik organdarda 26 tekserý júrgizilip, 81 buzýshylyq anyqtalǵan. Zańbuzýshylyqtardyń negizgileri jumystan tys ýaqytta artyq jumysqa tartý, «B» korpýsynyń bos ákimshilik laýazymyna ornalasýǵa jalpy konkýrsty ótkizý rásimderin buzý jáne azamattyń jáne jubaıynyń salyq zańnamasyna sáıkes ózine menshik quqyǵymen tıesili múlki týraly anyqtamany usynbaýy bolyp otyr.
- Jyl basynan beri bos memlekettik ákimshilik laýazymyna ornalasýǵa –konkýrstyq irikteý rásimin buzǵany úshin 15 ákimshilik is qozǵalyp, memleket paıdasyna 338010 teńge óndirildi, - dedi Ádep jónindegi keńes tóraǵasy.
