Din salasyndaǵy memlekettik saıasat

Ony quqyqtyq qamtamasyz etýdiń joldary qandaı?

Parlament Senatynda Qazaqstan Respýblıkasy Prezıdentiniń «Qazaqstan-2050» Strategııasy – qalyptasqan memlekettiń jańa saıası baǵyty» Joldaýyndaǵy – din jónindegi tapsyrmalardy oryndaý aıasyndaǵy memlekettik saıasatty quqyqtyq qamtamasyz etýdi jetildirý máseleleri boıynsha kezdesý boldy, dep habarlady Qazaqstan Respýblıkasy Parlamenti Senatynyń baspasóz qyzmeti.

Ony quqyqtyq qamtamasyz etýdiń joldary qandaı?

Parlament Senatynda Qazaqstan Respýblıkasy Prezıdentiniń «Qazaqstan-2050» Strategııasy – qalyptasqan memlekettiń jańa saıası baǵyty» Joldaýyndaǵy – din jónindegi tapsyrmalardy oryndaý aıasyndaǵy memlekettik saıasatty quqyqtyq qamtamasyz etýdi jetildirý máseleleri boıynsha kezdesý boldy, dep habarlady Qazaqstan Respýblıkasy Parlamenti Senatynyń baspasóz qyzmeti.

Sharaǵa Parlament depýtattary, memlekettik organdardyń, ǵylymı, dinı jáne úkimettik emes uıymdardyń ókilderi qatysty.

Kezdesýdi asha kelip, Parla­ment Senaty Áleýmettik-mádenı damý komıtetiniń tóraǵasy Aqan Bıjanov ultaralyq jáne konfes­sııaaralyq toleranttylyq, ózara túsinistik jáne kelisim Qazaq­­­stan memlekettigin nyǵaıtý men qoǵamdyq turaqtylyqty qamta­masyz etýdiń negizgi faktor­lary­nyń biri ekenin atap ótti.

«Dinı qatynastardy odan ári memlekettik retteýdegi táji­rıbesin quqyqtyq turǵyda bekitý úshin 2011 jyly «Dinı qyzmet jáne dinı birlestikter týraly» Zań qabyldanǵan bolatyn», dedi A.Bıjanov. Zań erejeleri adam quqyqtaryn qorǵaý sharalaryn kúsheıtý arqyly búldirgish jáne beıáleýmettik sıpattaǵy dinı qyzmetke tosqaýyl qoıý, dinı bir­lestikter qyzmetin tártipke keltirý jáne ony azamattyq zań­namaǵa sáıkestendirý, dinı qyzmet jáne dinı birlestikter týraly zańnama erejelerin buzǵany úshin ákimshilik jaýaptylyqqa qatysty elimizdiń quqyqtyq keńistigindegi olqylyqtardy tolyqtyrýdy qarastyrady.

Senator sondaı-aq «Qazaqstan - 2050» Strategııasynda qoǵamdyq jáne dinı múddelerdiń ornyqty tepe-teńdigine qol jetkizýge baǵyttalǵan birqatar mindetter alǵa qoıylǵanyn atap ótti. Ol mindetterdiń ishinde Qazaqstan zańnamasyn jetildirý, eldegi áleýmettik, etnostyq jáne dinı shıelenisterdi eskertýdiń jańa senimdi tetikterin qalyptastyrý, Álemdik jáne dástúrli dinder kóshbasshylary seziniń beretin artyqshylyqtaryn paıdalaný bar.

Kezdesýge qatysýshylar aldyn­­da Din isteri agent­­­tigi tóraǵasynyń mindetin at­qa­­­rýshy M.Ázilhanov sóz sóı­­ledi. Ol óziniń sózinde dinı qaty­nastar salasyndaǵy nor­ma­tıv­tik-qu­qyq­tyq bazany jetil­dirýdiń, onyń ishinde dinta­ný saraptamasyn júrgizýdiń, dinı mazmundaǵy áde­b­ıet­ter men basqa da materıal­dardyń, dinı maqsattaǵy buıym­dardyń taralýyn iske asyrý máse­leleriniń mańyzdy ekenin atap ótti.

M.Ázilhanov halyqtyń túrli toptary arasynda dástúrli emes jáne jalǵan dinı aǵymdardyń búldirgish áserinen halyqty qor­ǵaý maqsatynda jergilikti ákim­diktermen birlese otyryp dinı ekstremızm men terrorshyldyqtyń taralýyn eskertý, onyń ishinde dinı sıpattaǵy ınternet resýrstaryn paıdalaný arqyly Din isteri agenttiginde júrgizilip kele jatqan aqparattyq-túsindirý jumystary týraly qatysýshylardy habardar etti. Baıandamashynyń aıtýynsha, agenttik qaıta tirkelmegen dinı birlestikterdi sot arqyly joıý sharalaryn da qolǵa aldy.

Qaralǵan máseleler boıynsha talqylaýǵa Ishki ister mınıstriniń orynbasary E.Kenenbaev, Bas prokýratýranyń ókili Q.Seıit­ǵapbarov, «Nur Astana» qalalyq ortalyq meshitiniń bas ımamy N.О́tpenov, Ýspen shirkeýiniń bas dindary arhımandrıt Sergıı, Teris pıǵyldy dinı aǵymdardan zardap shekkenderge kómek kórsetý ortalyqtarynyń jetekshisi Iý.Denısenko, Qazaqstan Respýb­lıkasyndaǵy Evangelııa-lıýteran shirkeýleriniń bastyǵy, epıskop Iý.Novgorodov, dinı máseleler jónindegi ǵylymı-zertteý jáne taldaý ortalyǵy dırektorynyń orynbasary A.Kozyrev qatysty.

Talqylanyp otyrǵan taqyryp boıynsha Parlament depýtattary jáne dóńgelek ústelge basqa da qatysýshylar óz oılaryn ortaǵa saldy. Kezdesý bary­synda din jáne onyń quqyq qoldaný táji­rıbesi salasyndaǵy zańna­many je­tildirý jóninde naqty usy­nys­tar aıtyldy.