Shırek fınalda osy eki komanda kezdesetinin bilgende Chempıondar lıgasynyń fınalyna bergisiz oıyn erte ótetin boldy degenbiz. Bulardyń jetken jetistigi de óz aldyna bir tóbe. Sondyqtan búginde eki komandanyń qaısysy kelesi kezeńge ótetinin boljaý qıyn. Sebebi, «Bavarııa» nemis Býndeslıgasynda top jardy. Germanııa kýbogin jeńip aldy. Shabýylshysy Robert Levandovskı Chempıondar lıgasynyń úzdik surmergeni. Osylardiń barlyǵyn nazarǵa alsaq, «Bavarııa» Messı jáne onyń komandasyn úıine erte qaıtarýy múmkin. Biraq...
Biraq, Ispanııa chempıonatynda tek ekinshi oryn alǵan katalondyqtar úshin bıyl júlde alatyn sońǵy múmkindik. Árıne, búginde «Barselona» oıynyna «barsafandardyń» ózi syn aıtýda. Áıtse de, «Barselona» mańyzdy kezdesýde «qulpyryp» shyǵa keletin komandalardyń biri. Messı, Sýares, Grızmann úshtigi shyn kirisse, alynbaıtyn qamal bolmaıdy.
«Barselonanyń» shabýylshysy Antýan Grızmann klýbtyń baspasóz qyzmetine bergen suhbatynda «Bavarııamen» bolatyn shırek fınaldyq oıyndy asa qatty kútip júrgenin aıtty. «Men bagajymdy 23 tamyzǵa deıin (fınal 23 tamyzda ótedi – avtor) Lıssabonda bolatyndaı etip daıyndadym. Men tipti PlayStation-dy ózimmen birge aldym. Chempıondar lıgasyn jeńip alý úshin bizde úsh match qaldy jáne oǵan jetý úshin bizdiń shamamyz jetedi. Biz úshin bul oıyn qıyn bolady, biraq jartylaı fınalǵa shyǵý úshin ne isteý kerektigin de bilemiz. «Bavarııa» óte kúshti jáne dopty ıemdenýge daǵdylanǵan. Sol sebepti ádettegideı dopty múmkindiginshe uzaq basqarýymyz kerek. Levandovskı kóp gol soǵady, biraq qaýip barlyq jerden keledi. Olardyń vıngerleri shabýylǵa jıi barady. Mıýller men Gnabrı de óte jaqsy oınaıdy».
Statıstıka:
– Eki qarsylas ózara 10 match ótkizip, nátıjesinde «Bavarııada» 6 jeńis, 2 jeńilis jáne 2 teń oıyn;
– О́tkizilgen 10 matchta dop soǵý boıynsha ortasha nátıjesi – 3,2 («Barselona» bir oıynǵa orta eseppen 1,4 gol soqty, al «Bavarııa» – 1,8);
– Bıylǵy Chempıondar lıgasynyń toptyq kezeńinde «Barselona» men «Borýssııa» eki ret kezdesti (0: 0 qonaqta, 3:1 úıde);
– Qos qarsylas Chempıondar lıgasynyń shırek fınalynda sońǵy ret 2008/09 maýsymynda kezdesip, eki matchtyń qorytyndysy boıynsha «Barselona» basymdyq tanytty (5:1).
