"Elimizde ataýly mereke 2003 jyly 15 qarashada Elbasy Nursultan Əbishuly Nazarbaevtyń Jarlyǵyna səıkes tamyz aıynyń úshinshi jeksenbisi bolyp bekitilgen bolatyn.
Dana halqymyz ejelden densaýlyqty birinshi baılyqqa balap, qadirin jete túsingen. El azamattarynyń deni saý, oıy sergek bolýy úshin buqaralyq sportty damytý maqsatynda birshama baǵdarlama qolǵa alynyp, arnaıy zań jobasy qabyldanyp jatyr. Sportpen turaqty shuǵyldanýdy nasıhattaý bizdiń kezek kúttirmes maqsatymyz dep bilemin. Salaýatty ómir salty ər adamnyń kúndelikti ómiriniń negizgi bir bólshegine aınalsa, densaýlyq saqtaý salasyna tyń serpin bolmaq.
Sport - el abyroıyn asqaqtatatyn, ultty uıystyratyn ǵalamat qubylys. Búginde Qazaqstan əlemdik qaýymdastyqqa dúbirli dodalarda atoı salyp júrgen sportshylarymen tanylyp keledi.
Aldaǵy ýaqytta da júıeli jumys pen qyrýar sharýa jemisin berip, atletterimiz bıik belesterdi baǵyndyra bersin.
Búgingi mereke qarsańynda osy kólemdi jumysty jeńildetýge atsalysyp kele jatqan sport jýrnalısterine jəne ózge de mamandarǵa alǵys aıtamyn.
Barshańyzǵa zor densaýlyq, tolaıym tabys tileımin!", - dep jazylǵan quttyqtaý hatynda.
