"Búginnen bastap birqatar karantındik shekteý alynyp tastalady. Iri saýda nysandary, kafeler men meıramhanalar, qoǵamdyq kólikter jáne t.b. nysandar jumys isteı bastady. Myńdaǵan kásipkerler jumysyn qaıta bastaıdy. Alaıda, áleýmettik qashyqtyq, maskalyq rejım, dezınfeksııa jasaý jáne t.b. sanıtarlyq talaptar saqtalady.
Jaqynda juqpaly aýrýlar aýrýhanalarynda dárigerlerimizge bir aı boıy kómektesken reseılik mamandar óz elderine attandy. Men olarǵa kórsetken kómegi men joǵary kásibılikteri úshin rızashylyǵymdy bildiremin. Men muny tatý kórshilik qatynastyń aıqyn kórinisi dep túsinemin.
Reseılik jáne bizdiń epıdemıologtardyń jalpy pikirinshe, koronavırýs nemese basqa da jańa vırýstar bizdiń ómirimizdiń bir bólshegi bolyp qala beredi degen boljam aıtýda.
Karantındik sharalar aýrýdyń kóbeıýin toqtatýǵa kómektesti. Bul aıqyn fakt. Endi bárimiz osy turaqtylyqty saqtap turý qajetpiz. Alaıda, alda qandaı qıyndyqtar kútip turǵanyn eshkim bilmeıdi. Jyldyń belgili ýaqyttarynda juqpaly aýrýlardyń sany kúrt artyp, kelesi aýrýdyń bastalýyna deıin tómendeıtini belgili.
Qozdyrǵyshtardyń tirshiligi men belsendiligi, sondaı-aq adamnyń ımmýndyq júıesi tabıǵı faktorlarǵa - aýa temperatýrasyna, ylǵaldylyqqa, kún radıasııasynyń qarqynyna tikeleı baılanysty.
Myna qaýipti indetten kópshiligimiz jaqyn adamdarymyzdan aıyryldyq. Kóbisi bul aýrýdan áren degende aıyǵyp shyqty. Endi biz maýsym-shilde aılarynda bolǵan qıyn jaǵdaıdyń qaıtalanýyna jol bermeýimiz kerek. Biz, eń bastysy, ınfeksııany adamdar kóp shoǵyrlanatyn jerlerde juqtyrý áldeqaıda joǵary ekenin túsinýimiz qajet. Sondyqtan barlyq saqtyq sharalaryn umytpaı, sanıtarlyq talaptardy saqtaýymyz, sportpen shuǵyldanýymyz kerek", - dep jazdy BQO ákimi.
Qazaqstandaǵy jáne álemdegi sońǵy jańalyqtardy birinshi bolyp oqý úshin Telegram jelisinde bizge jazylyńyz.
