Forýmǵa qatysýdyń basty maqsattary - eksportqa qos maqsatty ónimdi shyǵarý boıynsha enshiles kompanııalardyń múmkindikterin kórsetý, yntymaqtastyq máseleleri boıynsha kelissózder júrgizý, ınvestısııalar men zamanaýı tehnologııalardy tartý aıasynda birlesken jobalar qurý, halyqaralyq áskerı-tehnıkalyq yntymaqtastyqty damytý.
Atap aıtqanda, «Tynys» zaýyty forýmnyń Qazaqstan stendinde avıasııalyq quramdas bólshekterdi (kerosın jylytqysh, beıtarap gaz generatory, qysym qondyrǵysy), kúshtik qurylymdarǵa arnalǵan jeke qorǵanys quraldarynyń (ártúrli synyptaǵy brondy keýdesheler, oqqa qarsy shlemder, soqqyǵa qarsy qorǵanys qalqandary) jáne basqa da ónimderdiń tolyq kólemdi úlgilerin kórsetýdi josparlap otyr.
«Tynys» - avıasııalyq quramdas bólshekterdi Reseı Federasııasyna eksporttaıtyn Qazaqstandaǵy jalǵyz kásiporyn.
Sonymen qatar, «S.M. Kırov atyndaǵy zaýyt» AQ qorǵalǵan noýtbýkter men planshetterdi, «Semeı ınjınırıng» brondy mashınalardy kúrdeli jóndeý jáne modernızasııalaý qyzmetterin, «Semeı mashına jasaý zaýyty» modıfıkasııalanǵan transporter-traktordy jáne t.b. usynýdy josparlap otyr.
Forým aıasynda qos maqsattaǵy ónimderge yqtımal tapsyrys berýshilermen kelissózder júrgizý, sondaı-aq perspektıvalyq jobalar boıynsha pikir almasý josparlanǵan.
Qazaqstandaǵy jáne álemdegi sońǵy jańalyqtardy birinshi bolyp oqý úshin Telegram jelisinde bizge jazylyńyz.
