"Kúndelikti ómirde jemqorlyq jaǵdaılaryna tap bolǵan jurt sharasyz kúıge túsedi, ádildiktiń bar ekenine senbeıdi. Pandemııamen jalpy ulttyq deńgeıde jappaı kúres júrip jatqanda paıda tabý úshin adam qanshalyqty arsyz bolýy kerek? Mysaly, Almatydaǵy Jetisý aýdany ákimdiginiń qyzmetkerleri azamattardy blok beketten ótkizý úshin únemi para alyp otyrǵan. Mundaı derekter birneshe óńirde baıqaldy. Tipti, barlyq jerde osylaı bolǵan shyǵar dep oılaımyn. Azamattarymyz turmystyq sybaılas jemqorlyqpen betpe-bet kelip otyrǵan kezde siz ben bizdiń istep jatqan jumysymyzdyń esh tıimdiligi bolmaıdy. Eshqandaı halyqaralyq reıtıngtiń de keregi bolmaı qalatyny túsinikti", - dedi Prezıdent.
Sondaı-aq ol túrli tartý-taralǵy berý, syılyq talap etý, dıplom satyp alý syndy áreketter kelmeske ketýi kerektigin aıtty.
"Bul úshin qoǵamda jemqorlyqtan jappaı jırenýge qol jetkizýimiz qajet. Sybaılas jemqorlyqqa qarsy is-qımyl agenttigi Úkimetpen birlesip, turmystyq jemqorlyqpen kúres jónindegi jol kartasyn ázirleýi kerek", - dedi Qasym-Jomart Toqaev.
Qazaqstandaǵy jáne álemdegi sońǵy jańalyqtardy birinshi bolyp oqý úshin Telegram jelisinde bizge jazylyńyz.
