Sharaǵa Orfografııalyq jumys toby músheleri, Bilim jáne ǵylym mınıstrligi Ǵylym komıteti tóraǵasynyń orynbasarlary Bolat Keńesov pen Azamat Rysjanov jáne táýelsiz sarapshylar qatysty.
Mádenıet jáne sport vıse-mınıstri, Orfografııalyq jumys tobynyń tóraǵasy N.Dáýeshov jańa álipbıdi engizý jáne osyǵan sáıkes emle erejelerin jasaý máseleleri tóńireginde kirispe sóz sóıledi.
A.Baıtursynuly atyndaǵy Til bilimi ınstıtýtynyń dırektory, fılologııa ǵylymdarynyń kandıdaty A.Fazyljanova jańa álipbı negizinde qazaq tiliniń emle erejeleri jobasyna orfografııalyq top músheleri men táýelsiz sarapshylardyń qorytyndy saraptamasy boıynsha baıandama jasady.
Baıandamashy jumys toby músheleri jánetáýelsiz sarapshylar tarapynan aıtylǵan syn-pikirlerge ǵylymı túrde dáıekti jaýap berip, oryndy usynystardyń eskeriletin atap ótti. Emle erejeler meıilinshe ekshelip, ǵalymdar súzgisinen san márte ótkizilip otyrǵan sebebi – onyń kópshilik tutynýǵa yńǵaıly bolýyn qadaǵalaý ekenin jetkizdi.
Bas qosý barysynda, orfografııalyq jumys toby músheleri jáne táýelsiz sarapshylardyń emle erejeler boıynsha bergen usynys-pikirleri keń túrde talqylanyp, emle erejeler boıynsha aıtylǵan usynystar men pikirlerdi eskerý jáne latynnegizdi álipbı boıynsha pernetaqta jobasyn áli de pysyqtaý qajet degen sheshim qabyldandy.
