Bilim • 24 Tamyz, 2020

Nur-Sultanda az qamtylǵan oqýshylarǵa áleýmettik kómek mólsheri kóbeıtildi

122 ret kórsetildi

Nur-Sultanda jańa oqý jyly qarsańynda az qamtylǵan otbasynan shyqqan árbir oqýshy mektep quraldaryn satyp alý úshin 40 myń teńgeden alady. Jalpy bilim berý qory aıasynda 17 myń balaǵa kómek kórsetiledi. О́tken jylmen salystyrǵanda 4 myń 300 bala artyq qamtylatyn bolady. Bul týraly elorda ákimi Altaı Kólginov "Tamyz" keńesiniń onlaın otyrysynda málimdedi, dep habarlaıdy Egemen.kz

Elorda ákiminiń aıtýynsha, ótken jyly mektep quraldaryn satyp alýǵa bólingen soma 30 myń teńge boldy. Bıyl ol 40 myń teńgege deıin artty. Mysaly, otbasynda 3-4 baladan bolsa, onda ár balaǵa 40 myń teńgeden bólinedi. Bul maqsatqa bıýdjetten 680 mln teńge bólindi, bul ótken jylmen salystyrǵanda eki ese kóp. Sonymen qatar, az qamtylǵan otbasylarǵa basqa da áleýmettik kómek kórsetiletinin aıtyp ótti.

"Mektepterde  qashyqtan oqytý júrgiziletinin eskere otyryp, áleýmettik osal sanattaǵy oqýshylardy noýtbýktermen, roýterlermen qamtamasyz etýge 6 mlrd teńge bólinedi. Osylaısha, osy sanattaǵy barlyq balalardy qyrkúıekte kompıýterlermen jáne roýterlermen qamtamasyz etemiz: olar az qamtylǵan otbasy balalary, erekshe qajettilikteri bar balalar, jetim balalar, kópbalaly otbasylar. Jalpy 34,5 myńǵa jýyq bala qamtylatyn bolady", dedi elorda ákimi Altaı Kólginov.      

 

Qazaqstandaǵy jáne álemdegi sońǵy jańalyqtardy birinshi bolyp oqý úshin Telegram jelisinde bizge jazylyńyz.

Sońǵy jańalyqtar

Uqsas jańalyqtar