Koronavırýs • 24 Tamyz, 2020

COVID-19: Aýyryp turǵandardyń plazmasy em

270 ret

kórsetildi

1 mın

oqý úshin

Osydan birneshe aı buryn otandyq transfýzıologtardyń COVID-19-ben kúreste osy aýrýdan jazylyp shyqqandardy «Aýrý barysynda aǵzanyń qorǵanyshtyq júıesi (ımmýndyq júıesi) belsendi qımyldap, qozdyrǵyshtarǵa qarsy turatyn antıdeneler jasaqtaı bastaıdy. Al jazylyp shyqqan soń joǵarydaǵy antıdeneler qan plazmasynda saqtalady. Sondyqtan ondaı plazmany aýyr naýqastardy emdeýge qoldanǵan ýaqytta naýqas boıynda belsendiligi tómen óz ımmýnıteti paıda bola bastaıdy da, ol ımmýndyq júıe tolyq kúshine enýine, óz antıdenelerin qalyptastyrýyna qajetti ýaqytty únemdeıdi» dep, donor bolýǵa shaqyrǵanyn jazǵan edik, - dep habarlaıdy Egemen.kz.

Anar TО́LEÝHANQYZY

COVID-19: Aýyryp turǵandardyń plazmasy em

Endi sonaý alysta jatqan alyp el AQSh-tyń Densaýlyq saqtaý mınıstrligine qarasty Dári-dármektiń sapasyn qadaǵalaý basqarmasy (FDA) plazmany COVID-19-ǵa qarsy emge paıdalaný jóninde shuǵyl ruqsat berip, ony rásimdep otyrǵany jaıynda kóptegen aqparat kózderi habardar etip jatyr.

CNN «Plazmanyń emdegi artyqshylyǵy onyń bolýy yqtımal qaýipinen áldeqaıda joǵary» dep Donald Tramptyń ruqsatty Aq Úıdegi brıfıngte jarııa etkenin habarlaıdy. «Men búgin qytaıvırýspen kúres boıynsha tarıhı málimdeme jasap qýanyp turmyn. Bul sansyz adamdy ajal tyrnaǵynan qutqaratyn shara», dep Tramptyń málimdegenin RBK jáne Spýtnık, REGNUM buqaralyq aqparat quraldary da jarııa etti.

Dári-dármektiń sapasyn qadaǵalaý basqarmasy plazmaǵa qatysty klınıkalyq zertteýlerdiń tolyq aıaqtalmaǵanyna qaramastan, onyń 70 myń pasıentti emdeýde qodanylyp, oń nátıje kórsetkenine qaraı sheshim qabyldanǵanyn aıtqan.

Qazaqstandaǵy jáne álemdegi sońǵy jańalyqtardy birinshi bolyp oqý úshin Telegram jelisinde bizge jazylyńyz.