Qoǵamdyq kólik júıesin damytyp, jumys tıimdiligin arttyrý baǵytynda Nur-Sultan, Almaty syndy megapolısterden baastaý alǵan bul tájirıbe tıimdiligin dáleldedi. Osyǵan deıin Qyzylordada jolaqy tóleý elektrondy júıege kóshken sátten bastap qolma qol bılet alý quny 120 teńge bolyp bekitilgeni belgili bolǵan edi. Bul saralanǵan tarıf azamattardy kólik kartasyn paıdalanýǵa yntalandyrý maqsatynda qoıylǵan bolatyn. Alaıda turǵyndar usynysyna oraı elektrondy nemese qolma qol tólem jasaýshylar úshin de ortaq baǵa 90 teńge bolyp, burynǵy jol kire aqysy ózgerissiz qalatyn boldy. Bul týraly búgin qala ákimi Nurlybek Nálibaev habarlady.
Degenmen de elektrondyq tólem júıesine ótý zaman talaby. Sol sebepti jol aqysyn elektrondy tóleýge usynylǵan 8 túrli tólem jasaý tetigi damytylyp, júıege aýysý 1 qyrkúıekten bastap kezeń-kezeńimen jalǵasa beredi.
Jol júrý bıletine elektrondy tólem jasaýdyń tıimdi tusy oblys ortalyǵyndaǵy jolaýshy tasymaldaýshylardyń shynaıy tabysy aıqyndalady. Nátıjesinde bıýdjetke túsetin kiris artyp, salyq bazasy ulǵaıady jáne kóleńkeli qarajat aınalymy joıylady. Avtobýs parkiniń materıaldyq-tehnıkalyq bazasy jaqsarady. Bul ári bolashaqta baǵdarlardy tıimdi josparlaýǵa yqpal jasaıdy.
