Ekonomıka • 25 Tamyz, 2020

Qazaqstanda bıyl 18 mln tonna astyq jınaý josparlanǵan

12 ret kórsetildi

Premer-Mınıstr Asqar Mamınniń tóraǵalyǵymen ótken Úkimettiń selektorlyq otyrysynda 2020 jylǵy egin jınaý jumystarynyń barysy qaraldy, - dep habarlaıdy Egemen.kz.

Egin jınaý naýqanynyń bastalýy týraly aýyl sharýashylyǵy mınıstri S. Omarov, janar-jaǵarmaı materıaldarymen qamtamasyz etý týraly energetıka mınıstri N. Noǵaev, óńirlerdegi ahýal týraly Aqmola oblysynyń ákimi E. Marjyqpaev, Qostanaı oblysynyń ákimi A. Muhambetov, Soltústik Qazaqstan oblysynyń ákimi Q. Aqsaqalov, Qaraǵandy oblysynyń ákimi J. Qasymbek baıandady.

Qazirgi ýaqytta barlyq óńirler jappaı egin jınaýǵa kiristi. Bıyl 22,7 mln ga jerge egin egildi, bul 2019 jylǵy deńgeıden 439 myń ga  jerge artyq. Dándi daqyldar 15,9 mln ga (onyń ishinde bıdaı – 12,1 mln ga), maıly daqyldar 2,9 mln ga, maqta 125,8 myń ga, qant qyzylshasy 20,9 myń ga, kókónis-baqsha ónimderi jáne kartop 457,4 myń ga, jemshóp daqyldary 3,3 mln ga alqapqa egildi. Egin jınaý jumystaryn júrgizý úshin arzandatylǵan dızel otynynyń qajetti kólemi — 395 myń tonna (aýyl sharýashylyǵy taýaryn óndirýshiler úshin ortasha baǵa — shamamen 147 teńge/lıtr) anyqtaldy.

Respýblıkada 145 myń traktor, 75 myń traktor tirkemesi, 38 myń astyq jınaý kombaıny, 15 myń destelegish, 39 myń júk avtomobıli bar. Agroónerkásiptik keshen sýbektilerin qoldaý úshin «Agrarlyq nesıe korporasııasy» AQ respýblıkalyq bıýdjetten 70 mlrd teńge kóleminde bıýdjettik nesıe bóldi, olar 3,4 mln ga egis alqaptaryn qamtı otyryp, tolyǵymen AО́K-tiń 2400 sýbektisine berildi. Memleket basshysynyń tapsyrmasy boıynsha «Qarapaıym zattar ekonomıkasy» baǵdarlamasy aıasynda 100 mlrd teńge bólindi, sondaı-aq Azyq-túlik kelisimshart korporasııasy aýyl sharýashylyǵy ónimderin forvardtyq túrde satyp aldy.

«Úkimet tarapynan egin jınaý jumystaryn qarjylaı jáne materıaldyq-tehnıkalyq qamtamasyz etý úshin barlyq qajetti sheshimder qabyldandy. Jalpy alǵanda, qabyldanǵan sharalardyń esebinen osy jyly astyqtyń boljamdy jalpy jınalymy 18 mln tonna deńgeıinde (2019 jylǵa qaraǵanda 3,4% ósim) josparlanyp otyr. Qazaqstan ózin astyqpen tolyq qamtamasyz etedi. Eksport áleýeti de jaqsy bolady», — dedi A. Mamın. 

Úkimet basshysy astyq jınaýdy sapaly ári ýaqytyly júrgizý, aýyl sharýashylyǵy taýaryn óndirýshilerdi janar-jaǵarmaı materıaldarymen qamtamasyz etý, sonymen qatar jınalǵan ónimdi ýaqytyly qabyldaý jáne tıisti saqtaý jaǵdaılaryn erekshe baqylaý boıynsha barlyq qajetti sharalardy qabyldaýdy tapsyrdy.

 

Qazaqstandaǵy jáne álemdegi sońǵy jańalyqtardy birinshi bolyp oqý úshin Telegram jelisinde bizge jazylyńyz.

Sońǵy jańalyqtar

Almaty mańynda jer silkindi

Aımaqtar • Keshe

Sý aıaǵy qurdymǵa kete me?

Aımaqtar • Keshe

Kók túrkiniń kózi

Tarıh • Keshe

Tólge toly Taıketken

Ekologııa • Keshe

15 mamyr – Halyqaralyq otbasy kúni

Qoǵam • 15 Mamyr, 2021

Semeıde eki jeńil kólik soqtyǵysyp qaldy

Aımaqtar • 15 Mamyr, 2021

Uqsas jańalyqtar