Elimizde jarty mıllıonǵa jýyq oqýshy 1 qyrkúıek kúni mektep partasynyń aldyna qaıta otyrmaq. Bilim jáne ǵylym mınıstrliginiń málimeti boıynsha, bastaýysh mektepterde kezekshi synyptar ashylady. Koronavırýstyq ınfeksııanyń pandemııasynyń jaǵdaıynda balalardyń qaýipsizdigin saqtaý jáne qamtamasyz etý maqsatynda sanıtarlyq-epıdemıologııalyq normalaryn qatań saqtaý qajet.
25 tamyz kúni Qazaqstan Respýblıkasyndaǵy Koreıa Respýblıkasynyń Elshiliginiń ǵımaratynda Koreıa Respýblıkasy Úkimetiniń qarjylyq qoldaýymen KOICA Túlekter qaýymdastyǵynyń tarapynan koronavırýspen kúresýde qaıtarymsyz kómek retinde Pavlodardyń mektepterine 416 mólsherlegish qurylǵylar men antıseptıkterdi tapsyrý rásimi ótti. Ulttyq volonterlik jelisi dıspenserlerdi Nur-Sultan qalasynan Pavlodarǵa tasymaldaýǵa, sondaı-aq olardy mektepterge tapsyrýǵa jáne ornatýǵa kómektesti. Rásimdi Koreıa Respýblıkasynyń Qazaqstan Respýblıkasyndaǵy Tótenshe jáne О́kiletti Elshisi Ký Hong Sok, Qaýymdastyqtyń prezıdenti Sadyqova Gúldana jáne Ulttyq volonterlik jelisiniń tóraǵasy Vera Kım júrgiedi.
