Aımaqtar • 27 Tamyz, 2020

Kólsaı, Qaıyńdy kólderi demalys kúnderi jabyq bolady

236 ret kórsetildi

Almaty oblysyndaǵy Kólsaı, Qaıyńdy kólderi demalys kúnderi jabyq bolady. Týrıstik aımaqtaǵy qatań sanıtarlyq talapty qamtamasyz etý úshin polıseılerge patrýldeý tapsyrylǵan, dep habarlaıdy Egemen.kz.

"Demalýshylardyń shamadan tys shoǵyrlanýyna baılanysty, aýdan aýmaǵynda koronovırýs ınfeksııasynyń taralýyna jol bermeý maqsatynda 29, 30 jáne 31 tamyz kúnderi "Kólsaı kólderi MUTP RMM" jáne Saty aýyldyq okrýgi aýmaǵyndaǵy týrıstik nysandar qyzmetin toqtata turý qaýly etemin.

Osy merzimde halyq kóp jınalatyn jerlerdi, kólik aıaldamalaryn, qoǵamdyq tamaqtaný oryndaryn, jaıaý júrginshiler ótpeleriniń súıenishterin, oryndyqtaryn, qonaq úılerdi jáne basqa da nysandarǵa jýý jáne dezınfeksııalaý quraldaryn paıdalana otyryp, óńdeý júrgizýdi mindetteledi«, - delingen Almaty oblysynyń bas memlekettik sanıtarlyq dárigeri Erǵalı Sydymanovtyń sońǵy N 22 qaýlysynda. Sanıtarlyq talaptardyń saqtalýyn polıseıler baqylaıdy.

"Kólsaı kólderi MUTP RMM" jáne Saty aýyldyq okrýgi aýmaǵynda 2020 jyldyń 29, 30 jáne 31 tamyz kúnderi aralyǵynda jabyq bolýyn baqylaýdy; "Kólsaı kólderi MUTP RMM" jáne Saty aýyldyq okrýgi aýmaǵynda 2020 jyldyń 29, 30 jáne 31 tamyz kúnderi karantın sharalarynyń saqtalýyn baqylaýdy qamtamasyz etý úshin qoǵamdyq oryndardy, jaǵalaýdy jáne basqa da ýaqytsha toqtatylǵan nysandardy patrýldeýdi qadaǵalaýdy kúsheıtýdi; Shekteý aımaǵyna kirý múmkindigin boldyrmaýdy qamtamasyz etýdi; Kórsetilgen talaptardyń buzylýy nemese oryndalmaýy anyqtalǵan jaǵdaıda QR qoldanystaǵy zańnamasyna sáıkes sharalar qoldanýdy Kegen aýdandyq polısııa bólimi (E.Úrkinbaev) qamtamasyz etsin", delingen vedomstvonyń qaýlysynda.



Sońǵy jańalyqtar

Aısberg aqıqaty

Ádebıet • Keshe

Joq kitapty izdeý

Ádebıet • Keshe

Krest-kedergi...

Ádebıet • Keshe

Zaısanda mal qyrylyp jatyr

Aımaqtar • Keshe

Uqsas jańalyqtar