Kem degende 250 adam jaraqat aldy. Tiri qalǵandardyń aıtýynsha, qaza bolǵandar arasynda balalar kóp. Tabıǵı apat saldarynan qaza tapqandar sany áli de ósýi múmkin.
Aýǵanstan aýdandary qurǵaqshylyqtan da, ońtústikazııalyq mýsson kezeńindegi tolassyz jańbyrdan da únemi zardap shegip otyrady. Jergilikti turǵyn 45 jastaǵy sharýa Muhamed Qasym AFP-ǵa sý tasqyny saldarynan otbasynyń 11 múshesi qaıtys bolǵanyn aıtty.
"Meniń ápkem, onyń kúıeýi, eki qyzy men olardyń balalary bir úıde uıyqtap jatqan edi", dedi Qasym. Parvan provınsııasy bıliginiń aıtýynsha, sý tasqyny Charıkar qalasyn basqan, jergilikti aýrýhana jarym-jartylaı qırady, jaraqat alǵan kóptegen adam Kabýl aýrýhanalaryna aýystyryldy.
Provınsııanyń baspasóz hatshysy Vahıda Shakhar qurbandar sanynyń sany áli de ósýi múmkin ekenin málimdedi, sebebi qutqarý komandalary qıraǵan úılerdiń astynda qalǵan adamdardy izdeý jumystaryn júrgizýde. Kem degende segiz adam, sonyń ishinde eki bala sýǵa batyp ketkeni, 14 adam jaraqat alǵany habarlanyp otyr.
