"Botanıkalyq baqtaǵy kórsetilim" atty konserttik baǵdarlamaǵa eki bir aktili balet engen: teatrdyń shaqyrylǵan horeografy Rıkardo Amaranteniń "Love Fear Loss" jáne zamanaýı baletmeıster Raımondo Rebektiń "О́tkenge saıahat" qoıylymy.
"Love Fear Loss" – fransýzdyń ǵajaıyp ánshisi Edıt Pıaftyń ómiri men ǵalamat mýzykasynan nár alǵan úsh dýet. Ony teatrdyń jetekshi solıstteri Dılara Shomaeva men Devıd Djonatan, Aıjan Muqatova men Súndet Sultanov, Tatıana Ten men Farhad Bórıev oryndap shyqty.
"О́tkenge saıahat" baletindegi basty partııalardy Aınur Ábilǵazına, Tatıana Ten, Farhad Bórıev pen Qazbek Ahmedııarov oryndady.
Konserttiń translıasııasy 2 qyrkúıekte, saǵat 20:00 teatrdyń youtube-arnasynan kórsetilmek. Qalyń kópshiliktiń tamashalaýyna múmkindik bar.
Kelesi konserttiń túsirilimi 30-tamyzda, "Astana Balet" teatrynyń ortalyq kireberisinde ornatylǵan jasandy sahnada ótedi. Konstıtýsııa kúnine oraı ótkiziletin is-shara onlaın rejımde kórsetilip, teatrdyń resmı ınternet-platformalary – youtube jáne ınstagram arqyly taratylady. Konsert baǵdarlamasyna "Uly Dala murasy" dıvertısmentiniń úzdik horeografııalyq mınıatıýralary engen.
"Karantın kezinde "Astana Balet" Teatry" birshama onlaın-jobalardy júzege asyrdy. Jumystyń osy túrine arnap uıymdastyrylǵan konsert túsirilimderi – jumystyń jańa satysy. Munda úırenshikti túsirilimnen erekshelenetin túsirilim júrgiziledi. Biraq, kórermen qaýym ártisterimizdiń eńbegin baǵalaıtynyna senimdimin. Budan bólek, biz taǵy bir erekshe onlaın-jobany júzege asyrmaqshymyz. Ol kórermenmen úırenshikti jumys tártibine oralýymyzben qatar, parallel júzege asyrylmaqshy", dedi «Astana Balet» teatrynyń dırektory Aleksandr Sovostıanov.
Esterińizge sala keteıik, Vedomstvoaralyq komıssııa Qazaqstanda karantındi jumsartýdyń ekinshi kezeńin maquldady. 31 tamyzdan, elimizde mádenı oshaqtar zaldaryn 50% toltyryp, jumysyna kirise bastaıdy. "Astana Balet" Teatry 1 qyrkúıekten bastap, kórermenine esigin ashpaqshy. Alda ótetin is-sharalar jaıly teatrdyń saıty men ınstagram paraqshasynan bilýge bolady.
