Medısına • 28 Tamyz, 2020

Alekseı Soı medısına qyzmetkerlerin marapattady

40 ret kórsetildi

QR Densaýlyq saqtaý mınıstrliginde QR Konstıtýsııasynyń 25 jyldyǵyna oraı saltanatty jıyn ótti, dep habarlaıdy Egemen.kz mınıstrliktiń baspasóz qyzmetine silteme jasap.

Marapattaý rásiminde Densaýlyq saqtaý mınıstri Alekseı Soı Elimizdiń konstıtýsııalyq damýynyń biregeı tujyrymdamasyn qalyptastyrýda Qazaqstan Respýblıkasynyń Tuńǵysh Prezıdenti – Elbasy Nursultan Nazarbaevtyń eńbegi zor ekenddigin atyp ótti. Elimizdiń basty Zańy Elbasynyń ınstıtýsıonaldyq reformalary men saıası bastamalaryn qamtıdy.

"Konstıtýsııamyzda adam, onyń ómiri, quqyǵy men bostandyqtary syndy eń joǵary qundylyqtar bekitilgen jáne azamattardyń múddesine qyzmet etedi. Elimizdiń negizgi Zańy halyqtyń densaýlyq saqtaý syndy basty quqyǵyn qorǵaıdy. Basty quqyqtyq qujattyń 29-babynda azamattardyń tegin kepildendirilgen medısınalyq kómek alý quqyǵy bekitilgen", dedi A. Soı.

Merekelik kúnge oraı elimizdiń Prezıdenti Qasym-Jomart Toqaev 150 medısına qyzmetkerin, Densaýlyq saqtaý mınıstrliginiń qyzmetkerlerin jáne óńirlerdegi densaýlyq saqtaý júıesi ókilderin Konstıtýsııanyń 25 jyldyǵyna arnalǵan merekelik medalmen marapattaý týraly Jarlyqqa qol qoıdy.

Merekelik medal "Dárilik zattar men medısınalyq buıymdardy saraptaý ulttyq ortalyǵy" Bas dırektory-Basqarma tóraǵasy Erik Baıjúnisovke, Mindetti áleýmettik medısınalyq saqtandyrýdy úılestirý departamentiniń dırektory Gúljan Shaıhybekovaǵa, ALMAU Densaýlyq saqtaý menedjerlerin daıarlaý boıynsha oqytýshy Tatıana Issykke, Dári-dármekpen qamtamasyz etý jáne standarttaý departamentiniń dırektory Aleksandr Kostıýkke, Qoǵamdyq densaýlyq saqtaý saıasaty departamenti qoǵamdyq densaýlyq saqtaý basqarmasynyń basshysy Gúlnar Qusbekova, medısınalyq-áleýmettik kómek departamenti áleýmettik mańyzy bar aýrýlar kezinde medısınalyq kómek basqarmasynyń basshysy Gúlnar Maqsutova, Qoǵamdyq densaýlyq saqtaý saıasaty departamenti qoǵamdyq densaýlyq saqtaý basqarmasynyń bas sarapshysy Rabıǵa Mılybaeva, medısınalyq-áleýmettik kómek departamenti medısınalyq ońaltý basqarmasynyń bas sarapshysy Gúlzıra Tájibaeva jáne Densaýlyq saqtaý mınıstrligi men vedomstvoǵa qarasty uıymdardaǵy birqatar mamandarǵa tabystaldy.

Saltanatty jıynǵa merekelik medalǵa ıe bolǵan qyzmetkerlerdiń tórteýi ǵana qatysty, qalǵandary Webex boıynsha qashyqtan marapattaldy.



Sońǵy jańalyqtar

Almaty qalasynda jer silkindi

Aımaqtar • Keshe

Uqsas jańalyqtar