Soǵdy oblysynyń Tóraǵasy Radjabboı Ahmadzodamen, oblys tóraǵasynyń orynbasary Anvar Iаkýbımen jáne Hodjent qalasynyń meri Marýf Mýhammadzodamen kezdesý barysynda Qazaqstan óńirleriniń el ekonomıkasynyń basty qozǵaýshy kúshi bolyp tabylatyn Soǵdy oblysymen yntymaqtastyǵynyń jaı-kúıi men keleshegi talqylandy.
Gúlston qalasyn aralaý barysynda Elshi "Bahorıston" kópfýnksıonaldy saýyqtyrý keshenimen tanysty.
Istaravshan qalasynda A.Tájibaev qala meri Amır Kýrbanzodamen qazaqstandyq kompanııalardyń tájik kásipkerlerimen yntymaqtastyǵynyń yqtımal baǵyttaryn talqylady, sondaı-aq qazaqstandyq ınvestorlardyń qatysýymen qurylǵan "Obı Zýlol" sýsyndar óndiretin kásiporynnyń qyzmetimen tanysty.
Qazaqstandyq dıplomat saparynyń sońynda ekonomıkanyń túrli salalarynda birlesken ınvestısııalyq jobalardy iske asyrý úshin damyǵan ónerkásiptik jáne kommýnıkasııalyq ınfraqurylymy bar "Sýgd" erkin ekonomıkalyq aımaǵynyń qyzmetimen tanysý boldy.
