Iýgraǵa Fransııa, Fınlıandııa, Kazaqstan, Sıngapýr, Shvesııadaǵy áıgili bilim berý uıymdarynyń ókilderi qosyldy. Olardyń qatarynda ekonomıkalyq yntymaqtastyq men damý uıymy bilim berý depratamentiniń dırektory Andreas Shlıaıher, Digiadventurers fın bilim berý startapy dırektorlar keńesiniń tóraǵasy Iýha Ollıla, "Nazarbaev zııatkerlik mektepteri" derbes bilim berý uıymynyń basqarma tóraıymy Kúlásh Shámshıdınova, Sıngapýrdyń oqytýshylar uıymynyń bas hatshysy Maık Tırýman, Shvesııadaǵy Kunskapsskolan ınnovasııalyq mektepter jelisiniń negizin qalaýshy Peıe Emılson bar.
Reseı tarapynan Reseı Federasııasynyń aǵartý mınıstri Sergeı Kravsov, Hanty-Mansıısk avtonomdy okrýginiń gýbernatory Natalıa Komarova, "Ekonomıka joǵary mektebi" ulttyq zertteý ýnıversıtetiniń ǵylymı jetekshisi Isak Frýmın, MISıS Ulttyq zertteý tehnologııalyq ýnıversıtetiniń EdCrunch University ortalyǵynyń dırektory Nurlan Qııasov, Sankt-Peterbor memlekettik ýnıversıteti pedagogıka ınstıtýtynyń dırektory Elena Kazakova, Hanty-Mansıısk avtonomdy okrýgi – Iýgranyń bilim berý jáne jastar saıasaty departamentiniń dırektory Alekseı Drenın jáne otandyq bilim berý salasyndaǵy ózge de belgili tulǵalar qatysty.
Spıkerler men sarapshylardyń tanymal quramy "Jalpy bilim berý sapasy boıynsha Reseı Federasııasynyń álemniń jetekshi 10 eliniń qataryna enýi strategııalyq maqsatyna qol jetkizýdiń tirek baǵyttary" týraly kásibı pikirsaıystyń joǵary deńgeıin kórsetti.
"Iýgranyń bilim berý júıesiniń damýyndaǵy strategııalyq kóshbasshylyq: halyqaralyq tájirıbe, trendter, jahandyq usynymdar" plenarlyq saraptaý sessııasy pedagogtardyń úlken qyzyǵýshylyǵyn týdyrdy.
"Álemdik úderister damýynyń aýqymyndaǵy Iýgranyń bilim berý ekojúıesiniń ózgerýi» taqyrybyna arnalǵan TEDx formatyndaǵy konferensııada ustazdar HHI ǵasyrdyń bilim berý júıesindegi ulttyq konsepsııalar men tabysty tájirıbelerdi naqtylady.
Qazaqstandyq ınnovasııalyq mektepterdiń jetekshisi Kúlásh Shámshıdınovanyń" "Zamanaýı mekteptiń pedagogıkalyq ujymyn qalyptastyrý jáne onyń áleýetin jetildirý" baıandamasy barysynda derbes jáne korporatıvtik onlaın-kanaldar arqyly kóptegen qosylýlar bolǵanyn baıqaýǵa bolady.
Atalǵan taqyryp konferensııada jahandyq basymdyqtardyń qatarynda atalyp, ustazdar men mektep dırektorlary, top-menedjerler men bilim berý salasyndaǵy zertteýshiler úshin teńdeı deńgeıde ózekti ekendigi aıqyndaldy.
