Úmit • 31 Tamyz, 2020

Qazaq qyzy "Qytaı daýysy" mýzykalyq jobasynda sátti óner kórsetti

59 ret kórsetildi

Qytaıdaǵy tanymaly óner básekesiniń biri sanalatyn "Qytaı daýysy" (Sing! China) mýzykalyq jobasyna qatysyp jatqan qandasymyz Mádına Dýmanqyzy jarystyń alǵashqy kezeńinen sátti ótti, dep habarlaıdy Egemen.kz QazAqparatqa silteme jasap.

Qytaıdaǵy talanttar shoýy atanǵan televızııalyq jobada ánshi Mádına Dýmanqyzy "Qaryzdar emespin" atty ándi qytaı tilinde oryndap, tálimgerler men kórermenderdiń joǵary baǵasyna ıe bolǵan.

Atalǵan joba Qytaıdyń "Chjezıań" telearnasynda kórsetilip jatyr. Mádına Dýmanqyzy – 2000 jyly Qytaıdyń Tarbaǵataı aımaǵy Sháýeshek qalasynda týǵan. Qazirgi kúni Sıan mýzyka ınstıtýtynda bilim alýda. Jas ánshi osy ýaqytqa deıinde túrli óner baıqaýlaryna qatysyp, óz talantymen jurtqa tanylyp úlgirgen.

Ol 2016 jyly Qytaıdaǵy Shyńjan qazaqtarynyń arasyndaǵy tanymal óner báıgesi sanalatyn, Shyńjań TV ótkizgen "Kúmis kómeı" jobasynda bas júldeni jeńip alǵan. Sonymen birge osy jobada "halyqtyń qalaýynan shyqqan úzdik ánshi" bolyp baǵalanyp, osy atalymdar boıynsha júldege tigilgen eki birdeı temir tulpardy qanjyǵasyna baılady.

Sondaı-aq, Qazaqstanda ótken XIX "Shabyt" halyqaralyq shyǵarmashyl jastar festıvaline qatysyp ataýly syılyqty júldemen marapattalǵan. 2019 jyly Qytaıdyń ortalyq radıosy men teledıdary uıymdastyrǵan óner baıqaýynda jáne Shensı provınsııasy ótkizgen baıqaýlarda jurtshylyqty óz talantymen taǵy da tánti etti.

Sońǵy jańalyqtar

Almaty qalasynda jer silkindi

Aımaqtar • Keshe

Uqsas jańalyqtar