Rýhanııat • 01 Qyrkúıek, 2020

Nartaı aqynnyń úzeńgisi

64 ret kórsetildi

Kezinde áıgili aqyn Áb­dil­da Tájibaev «shara­paty búkil qaýymǵa je­tetin, bar­lyǵymyzdy ja­rylqaıtyn, jaratatyn sarqylmas qa­zyna» dep baǵalaǵan, sonymen qatar bıyl týǵanyna 130 jyl tolyp otyrǵan halyq aqy­­ny ári kompozıtor Nar­taı Bekejanovtyń úzeńgisi Túrkistan qala­syn­daǵy «Ázi­ret Sultan» mem­lekettik tarı­hı-máde­nı qoryq-mýzeıi qo­rynda tur.

Jádiger jaıly málimet jibergen qoryq-mýzeıdiń qor saqtaýshysy Dáýletııar Adıevtiń málimetine qaraǵanda, bul buıymdy 1999 jyly Túrkistan qalasynyń turǵyny ákelip tapsyrǵan eken. Úzeńgi jezden (latýn) biteý quıylǵan, tabany jalpaq. Jalpy ólshemi – 20h12,9 sm. Poshymy bir-birine quı­ma­lap jalǵasqan eki bólikten turady. Birinshi bóligi qulaq dep atalady. Qulaq úzeńginiń joǵarǵy bóligi, ıaǵnı erge bylǵary nemese qaıys taralǵy (úzeńgi baý) arqyly jalǵanatyn bóligi. Úzeńginiń qulaǵy tórtburysh pishindi. Bıiktigi – 3,5 sm, uzyndyǵy – 5 sm. Jádigerdiń ekinshi bóligi basqysh nemese taban tiregish dep atalady. Onyń taban tireıtin jalpaq bóliginiń kólemi – 12 sm, eni – 5 sm. Taban tireıtin jeriniń astyńǵy jaǵy ırektelip ásemdelgen.

«1890 jyly dúnıege kelgen Nartaı aqyn 1954 jyly dúnıeden ozdy. Halqynyń saǵynyshyna aınalǵan nar tulǵa atamyz, ataqty aqyn Nartaıdyń tabany tıgen jádiger asyl perzentten qalǵan bir belgi» deıdi qor saqtaýshy azamat.

 

Sońǵy jańalyqtar

Uqsas jańalyqtar