DINBASY – “JYL ADAMY”

Respýblıkalyq qoǵamdyq-saıası “Prezıdent jáne halyq” gazeti respýblıkalyq “Ýaqyt tańdaýy” - “Vybor vremenı” agenttigimen bir­les­ken jobasy boıynsha Naýryz mere­kesi qarsańynda dástúrli jyl tańdaý­laryn aıqyndaǵan edi. Sol tańdaý boıynsha Qazaqstan musyl­man­dary dinı basqarma­synyń tór­aǵasy, Bas múftı, sheıh Ábsat­tar qajy Derbisáli “Jyl adamy” dep tanyldy. Álbette, Dinbasynyń “Jyl adamy” dep tanylýy tekten-tek emes. Muny onyń sońǵy 10 jylǵy dinı basqarma tizginin ustaǵan jemisti qyzmetine berilgen baǵa deýge bolady. Osy merzim ishinde meshitter 1402-den 2400-ge jetti. Bilim jáne ǵylym mınıstrligi júıesinde lısenzııamen qyzmet etetin bir ýnıversıtet, bir ınstıtýt jáne 7 medrese ashyldy; barlyq meshitterde dinı basqarmanyń saraptaýynan ótip, dinbasynyń buıryǵyn alǵan dindarlar qyzmet etýde; “Islam jáne órkenıet” gazeti 50 myń taralymmen, “Iman” jýr­naly 10 000-nan astam taralym­men jaryq kórýde. Dinı basqarma saraptaýynan ótken kitaptar “Kók­­jıek”, “Hıkmet”, “Altyn qalam”, “Atamura” jáne t.b. baspalardan shyǵyp, qalyń oqyrmandarynyń qolyna tıip otyr. Qadir túnin meshitterde jamaǵattardyń kóptep qatysýymen ótkizý, súıikti paıǵam­barymyz Muhammedtiń (s.ǵ.s.) týǵan kúni Máýlitti aı boıy toılaý dástúrge aınaldy; qarılardyń jarysy men Ramazannyń ár keshindegi taraýıh namazynda Qurandy qatym etý júıege tústi. Al, ótken jyly buǵan qosa TMD aýmaǵynda QMDB-nyń uıymdas­tyrýymen Almatyda hanafı mázhaby­nyń negizin qalaýshy Nuǵ­man ıbn Sábıt, ıaǵnı Imam Aǵzam Ábý Hanıfanyń týylǵanyna 1350 jyl tolýyna oraı tuńǵysh ret halyqaralyq ǵylymı-teorııalyq konferensııa uıymdastyrylyp, tabysty ótti. Tamyz aıynda Ábý Hanıfa atyndaǵy respýblıkalyq medrese óz esigin ashty. Qazaq tilinde “muftyat.kz” saıty, orys tilinde “meshit.kz” saıty jumys isteı bastady. Bul eki saıtqa da kirýshiler kóbeıdi. Arasynda sheteldikter de az emes. Dinı basqarmanyń birqatar oblystardaǵy ókildikteri janynan da qazaq jáne orys tilderinde saıttar iske qosyldy. Din nasıhaty búgingi ýaqyt talabyna saı ozyq tehnıka jetistikterin tıisinshe paı­dalanyp, júrgizilýde. Túıip aıt­qanda dinı basqarmanyń qyzmeti munan 10 jylǵymen salystyrǵanda, jaıaýdyń qasyndaǵy attyly kisideı deńgeıge kóterildi. Muny el musylman­dary men syrt kóz de baıqap, kórip-bilip otyr. Dinbasyna “Jyl adamy” ser­tı­fı­katyn “Prezıdent jáne halyq” gazetiniń bas redaktory Marat Toqashbaev (sýrette) tabys etti. “Egemen-aqparat”.