"Qazsolar 50" JShS ınvestorlarynyń jobasy KAZAKH INVEST ulttyq kompanııasynyń qoldaýymen júzege asyryldy. Oǵan 62 myń fotovoltaıkalyq panelder ornatylǵan kún parkiniń qurylysy kiredi. Stansııanyń jalpy jobalyq quny 5,6 mlrd teńgeni qurady. Mamandardyń aıtýynsha, ınvestısııalyq jobany iske asyrý atmosferaǵa kómirqyshqyl gazynyń shyǵaryndylaryn jylyna 24 myń tonnaǵa qysqartady.
Elektr stansııasynyń qurylysy 2020 jyldyń mamyr aıynda bastaldy. 120-dan astam qazaqstandyq qyzmetker jumyldyryldy. Búgingi tańda kompanııa qosymsha 7 turaqty jumys ornyn qurdy.
"Bul joba úzdik tehnıkalyq jáne halyqaralyq standarttarǵa sáıkes júzege asyryldy. Joba ekologııalyq taza elektr energııasyn óndirýge, qorshaǵan ortany qorǵaýǵa jáne Qazaqstannyń ulttyq elektr jelisiniń úzdiksiz jumysyn qamtamasyz etýge baǵyttalǵan. Bul bizdiń óńirdegi úshinshi jobamyz. Bizdiń elektr stansııalarymyzdyń jalpy qýaty 176 MVt - qa jetti", - dep atap ótti "Qazsolar 50" JShS Bas dırektory Evgenıı Grebennıkov.
Investısııalyq jobalardy júzege asyrýdan basqa, ınvestorlar óńirdiń áleýmettik jobalaryna belsendi qatysady.
"Jergilikti bastamalardy qoldaý aıasynda kompanııa Qaraǵandy oblysynyń Shet aýdanyna $30 myń kóleminde Aqsý-Aıýly aýylyndaǵy bulaq sý kózi ýchaskesinde demalys aımaǵyn salý úshin qaıyrymdylyq kómek kórsetýdi josparlap otyr", - dep habarlady "KAZAKH INVEST" UK" AQ aımaqtyq dırektory Mádı Isekeev.
Sonymen qatar, 15 jyl ishinde ınvestorlar bilim granttaryn bólýge jáne jastar jobalaryn qoldaýǵa shamamen $150 myń baǵyttaýdy josparlap otyr.
