"Jaýapty hatshylardyń ortasha jalaqysy búginde 685 myń teńgeden bastalyp, jumys ótiline qaraı 815-830 myń teńgege deıin jetedi", dedi ol Úkimet úıinde ótken baspasóz máslıhatynda.
Onyń aıtýynsha, jaýapty hatshylardyń budan arǵy taǵdyryn tikeleı mınıstrler sheshedi.
"Basqa mınıstrlikke nemese vedmostvoǵa jiberý – bul tikeleı birinshi basshynyń ókileti. Qasym-Jomart Kemeluly bul máselege qatysty naqty ustanymyn, birinshi kezekte jaýapkershilik máselesin aıqyndap berdi. Árbir mınıstrlikte jaýapkershilik mınıstrdiń ózine júktelýi tıis. Búginde jaýapty hatshy ınstıtýty 15 mınıstrlikte bar jáne apparat basshylarynyń qyzmettik mindeti "Memlekettik qyzmet týraly"zańda naqty jazylǵan, dedi Eraly Toǵjanov.
