Parlament Májilisindegi «Qazaqstan halqy Assambleıasy» depýtattyq tobynyń kezekti otyrysy boldy, dep habarlady osy palatanyń baspasóz qyzmeti.
Parlament Májilisiniń «Qazaqstan halqy Assambleıasy» depýtattyq tobynyń otyrysynda Memleket basshysy N.Nazarbaevtyń «Nur Otan» partııasynyń XV sezinde bergen tapsyrmalaryn iske asyrýǵa baılanysty máseleler qaraldy.
Parlament Májilisindegi «Qazaqstan halqy Assambleıasy» depýtattyq tobynyń kezekti otyrysy boldy, dep habarlady osy palatanyń baspasóz qyzmeti.
Parlament Májilisiniń «Qazaqstan halqy Assambleıasy» depýtattyq tobynyń otyrysynda Memleket basshysy N.Nazarbaevtyń «Nur Otan» partııasynyń XV sezinde bergen tapsyrmalaryn iske asyrýǵa baılanysty máseleler qaraldy.Qazaqstan halqy Assambleıasynyń Ulttyq birlik doktrınasy men «Nur Otan» partııasy Doktrınasynyń ortaq maqsattary eldiń turaqtylyǵyn jáne halyqtyń birligi men ál-aýqatyn saqtaýǵa baǵyttalǵan.
«Nur Otan» partııasynyń Doktrınasy týraly baıandama jasaǵan Parlament Májilisiniń depýtaty, «Qazaqstan halqy Assambleıasy» depýtattyq tobynyń múshesi Shalataı Myrzahmetov partııanyń mıssııasy, qundylyqtary, jalpyǵa birdeı faktorlar men partııanyń tarıhı jaýapkershiligi, Qazaqstan órkendeýiniń sharttary retinde birlik pen jalpyǵa birdeı kelisim, otbasy qundylyqtary, qoǵamdy damytýdaǵy memlekettiń róli, tıimdi memlekettik basqarý jáne memlekettik qyzmetterdiń sapasy, Qazaqstannyń búkil azamattary ómiriniń sapasyn jaqsartý týraly jan-jaqty aıtyp berdi.
Pikir almasý kezinde depýtattar A.Mýradov, V.Kııanskıı, Z.Saıapova sóz sóıledi.
Ekinshi másele boıynsha Parlament Májilisiniń depýtaty, Parlament Májilisindegi «Qazaqstan halqy Assambleıasy» depýtattyq toby tóraǵasynyń orynbasary Egor Kappel sóz sóıledi. Ol partııaaralyq yntymaqtastyq, beıbitshilik pen azamattyq kelisimdi qamtamasyz etý máseleleri boıynsha depýtattyq toptyń qyzmetin aqparattyq súıemeldeýdi uıymdastyrý qajettigi, materıaldardy mindetti túrde buqaralyq aqparat quraldarynda jarııalaı otyryp, árbir toqsanǵa ázirlenetin medıa-jospardy iske asyrýǵa «Qazaqstan halqy Assambleıasy» depýtattyq toby músheleriniń qatysýyn qamtamasyz etý týraly, Qazaqstan Respýblıkasynyń Táýelsizdigi kúnine oraı saıası partııalar fraksııalarynyń qatysýymen «Bir el – bir taǵdyr» brıfıngine daıyndyq jáne ony ótkizý jóninde habarlady.
