Osyǵan baılanysty, "Atameken" UKP men týrızm qaýymdastyǵynyń usynystary negizinde týrıstik qyzmet sýbektilerin qoldaý boıynsha yntalandyrý sharalaryn qurý maqsatynda daǵdarysqa qarsy jedel sharalar qabyldandy. Bul týraly búgin О́ńirlik kommýnıkasııalar qyzmetinde ótken brıfıngte Oblystyq týrızm basqarmasynyń basshysy G.Ahberdıeva málimdedi.
Onyń aıtýynsha, karantın rejımine baılanysty jumysyn toqtatýǵa májbúr bolǵan kásipkerlik nysandardy tyǵyryqtan shyǵarý úshin memleket tarapynan kóptegen qoldaý men jeńildikter qarastyrylyp otyr.
"Daǵdarys kezinde týrızm, qoǵamdyq tamaqtaný jáne qonaq úı qyzmetteri salasynda kásipkerlik qyzmetti júzege asyratyn zańdy tulǵalar men jeke kásipkerler múlik salyǵynan bosatylyp otyr. Sondaı-aq, barlyq salyqtar men bıýdjetke tólenetin basqa da mindetti tólemder, áleýmettik tólemder boıynsha tóleý merzimi 2020 jylǵy 1 shildege deıin uzartyldy. Jáne shaǵyn jáne orta kásipkerlik sýbektilerine syıaqyny, aıyppuldardy jáne tólemderdi keshiktirý boıynsha ósimpuldardy eseptemeý bóliginde jeńildikter engizildi. Odan bólek, banktik qaryz sharttary boıynsha tólemder boıynsha 90 kúntizbelik kúnge deıingi merzimge keıinge qaldyrý usynyldy. 1 sáýirden 1 qazanǵa deıin shaǵyn jáne orta kásipkerlik sýbektileri eńbekaqy tóleý qorynan salyq jáne basqa da tólemderdi tóleýden bosatyldy. Sonymen qatar, jalaqysy saqtalmaıtyn demalysqa jiberilgen týrızm salasynyń qyzmetkerleri qatań shekteýli karantındik sharalar kezeńinde eń tómengi jalaqy (42 500 teńge) mólsherinde qosymsha áleýmettik tólemdermen qamtyldy", dedi basqarma basshysy.
Búgingi tańda memleket tarapynan qalany ǵana emes, jalpy oblysty damytýǵa erekshe kóńil bólinýde. Infraqurylymdy jańǵyrtý sheńberinde belsendi jumystar júrgizilýde, jańa ınvestısııalar tartylýda. Osy rette, týrıstik bıznes ókilderin zańnamalyq deńgeıde odan ári yntalandyrý maqsatynda Mádenıet jáne sport mınıstrliginiń Týrızm ındýstrııasy komıteti salany qalpyna keltirýge jáne odan ári damytýǵa baǵyttalǵan birqatar sharalardy pysyqtaýda.
