"Elorda kósheleri men dańǵyldarynyń astynda myńdaǵan shaqyrym ınjenerlik jeliler jatyr. Olar: sý, elektr, káriz, baılanys jelileri. Qalalyqtardyń turmys sapasy osy jelilerdiń úzdiksiz jumys isteýine tikeleı baılanysty. Qazir jelilerdi sıfrlandyrýmen aınalysyp jatyrmyz. Bul jumystardyń ózektiligi sol, qaǵaz júzinde ınjenerlik jelilerdiń ornalasqan jeri men jaı-kúıi týraly málimetter árdaıym sáıkes kele bermeıdi. Osyǵan baılanysty turǵyndar ýaqytsha sýsyz, elektrsiz otyrýǵa májbúr bolǵan kezde apatty jaǵdaılar bolyp jatady.
Sıfrlandyrý barlyq ınjenerlik jelilerdi ashyq kórýge múmkindik beredi. Olarǵa túsetin salmaq pen ahýaly anyq kórinedi. Bul jóndeý jumystaryn ýaqtyly júrgizýge, qajet bolǵan jaǵdaıda qýatty ulǵaıtýǵa, táýekelderdi azaıtýǵa jáne jańa obektilerdi ınjenerlik jelilerge qosý prosesin jeńildetýge múmkindik beredi. Ǵımarattardy salý kezinde uzaq ári mańyzdy prosesterdiń biri – ınjenerlik jelilerge qosý.
Sonymen qatar, ǵımarattardy, jer ýchaskelerin sıfrlandyramyz (jer ýchaskeleri máseleleri boıynsha memlekettik qyzmetterdi kórsetý onlaın rejıminde ótedi), bul jer ýchaskeleriniń ıgerilýin onlaın baqylaýǵa múmkindik beredi. Sondaı-aq qalanyń 3D modelin qurý boıynsha jumys istep jatyrmyz. Qazirgi ýaqytta qalanyń 50% sıfrlandyryldy. Geoaqparattyq portal jyldam qarqynmen keńeıip kele jatqan qala úshin mańyzdy. Ári qurylys prosesterin boljaýǵa jáne modeldeýge múmkindik beredi. Aýdandardy mekteptermen, balabaqshalarmen, aýrýhanalarmen jáne basqa da mańyzdy obektilermen qamtamasyz etý qajettiligi birkelki bólinetin bolady.
Portal sondaı-aq birneshe karta jasaýǵa múmkindik beredi. Mysaly, TJD qajettilikteri úshin qaýip qaterlerdi boljaý kartalary, kásipkerler úshin – ınvestkarta, PIK (OSI) úshin-shatyrdy, kommýnıkasııa jelilerin jóndeý boıynsha jumystardy josparlaý jáne t.b. Bul arqyly jerdiń astynda ne bolyp jatqanyn kórýge bolady.
Memleket basshysy Qazaqstan halqyna Joldaýynda "Sıfrlandyrý-barlyq reformalardyń negizgi elementi", – dep atap ótti. Sıfrlandyrý prosesi baqylaýymyzda tur», – dep jazdy Altaı Kólginov.
