KО́MEK KО́RSETÝ – PARYZYMYZ

Qyrǵyz baýyrlarymyz osydan bes jyl burynǵy oqıǵaǵa qaıtadan urynyp otyr. Ekonomıkalyq jaǵy­nan kenje qalǵan el úshin onyń ońaı soqpasy aıtpasa da túsinikti. Osy­laısha jappaı qarsylyq aksııasyna shyǵýynyń ózi qıyn turmyspen de baılanysty ekeninde daý joq. Mine, osy máselege baılanysty Memleket basshysy N.Nazarbaev ta óz baǵasyn bergen bolatyn. Onda El­basy qyrǵyzdardyń aldymen el­diń turmysyn jaqsartýdyń ornyna saıasatpen aınalysyp ketkendigine nazar aýdarǵan-tyn. Osy turǵydan kelgende kórshilerimiz Qazaqstannan úlgi alýlary kerek edi. Iаǵnı, aldy­men ekonomıkany ońdap baryp saıa­satqa kirisýleri tıis bolatyn. Osy­men ekinshi ret qaıtalanǵan oqıǵa shynymen de halyqqa aýyr tıip otyr. Aýyzbirshilik pen turaqtylyq qana eldi ushpaqqa shyǵara alady. El­diń ekige jarylýy da jaqsy kóri­nis emes. Árıne, jaǵdaıdyń bulaı qalyp­ta­sýy qıynshylyqtar ákeleri túsi­nik­ti de. Ásirese, bul qarapaıym adam­dar úshin qıyn. Jastardyń kó­she­ge shyǵyp dúkender men ózge de qyzmet kórsetý oryndaryn qıratýy­na jol berilmeýi tıis edi. О́ıtkeni, qıraǵan, órtelgen dúnıelerdi olar qosymsha qarjy shyǵaryp, báribir ózderi jóndeýine týra keledi. Qan­sha­ma aqshalaı, ýaqyttaı shyǵyn. Onyń ústine qyrǵyz aǵaıyndar osyndaı jolmen bılikti almastyrýǵa ádette­nip alǵandaı áser qaldyrady. Olar myna bılikti aýystyrsaq, jaqsy prezıdent nemese úkimet keledi dep oılaıdy. Negizinde revolıýsııalyq is-áreketter eshqandaı jaqsylyqtar ákelmeıtinin ýaqyttyń ózi kórsetti. Qazaqstandaǵy ornyqty ekono­mı­ka men ustanǵan durys saıasat on­daı keleńsizdikterge jol bermeıdi dep esepteımin. Qarap otyrsaq, qyr­ǵyz baýyrlarymyz óz elinde eki qol­ǵa bir jumys taba almaǵandyqtan, biz­diń elimizge kelip nápaqasyn aıy­rýǵa májbúr. Ol-ol ma, tipti óz otba­sylaryn tastap, Reseı jáne ózge de elderge asyp jatqan qyrǵyzstandyq azamattar qanshama. Jaǵdaıdyń bulaısha qalyptasýy zańdylyq, óıt­keni, bılikke kelgender halyqty oılamaı otyr. Baýyrlas eki halyq qıyn jaǵdaı­larda qashanda bir-birine qolushyn sozyp kelgen. Sondaı ıgi úrdisti ustana otyryp, biz de kórshi baýyrlarymyzǵa kómek kórsetýimiz durys dep sanaımyn. Hýsaın VALIEV, Parlament Senatynyń depýtaty.