Aldymen, aımaq basshysy "Anvar" saýda úıine bardy. Saýda úıiniń sóresinde 8 000 taýardyń túri bar jáne tutynýshylarǵa arnalǵan 5 kassa jumys jasaıdy. Onyń ishinde 1 kassa múgedek jandarǵa arnalǵan. Saýda úıinde áleýmettik mańyzy bar 19 túrli taýar baǵasy arnaıy bekitilgen baǵamen satylady.
Qala ákimi aımaq basshysyna halyq úshin mańyzdy áleýmettik taýarlardyń mejeli baǵasy respýblıkalyq baǵa talaptaryna sáıkes satylatynyn atap ótti.
Oblys ákimi munan keıin "Qyzylorda optomarket" saýda jelisine keldi. Saýda úıiniń sóresinde jalpy 10 000 taýardyń túri bar. Tutynýshylarǵa arnalǵan 9 kassa jumys jasaıdy. Búginde qalada saýda jelisiniń 5 fılıaly jumys isteıdi, 115 adam turaqty jumyspen qamtylyp, halyqqa qyzmet kórsetedi.
Oblys ákimi kúndelikti qoldanystaǵy azyq-túlik ónimderiniń tapshylyǵy týyndamaýy kerektigin atap ótti. Sondaı-aq, qajetti qordy jasaqtaý mindetin qoıdy.
Oblys ákimi qaladaǵy iri jeli SMALL saýda úıine de bardy. Azyq-túlik baǵalarynyń baǵasyn baqylady.
Saýda úıiniń sóresinde 15 000 taýardyń túri bar jáne tutynýshylarǵa arnalǵan 12 kassa jumys jasaıdy.
Qazir qala boıynsha «SMALL» saýda úıiniń 5 fılıaly jumys jasap, 100-ge jýyq adam turaqty jumyspen qamtylǵan.
Saýda úıin aralaý nátıjesinde oblys ákimi Gúlshara Ábdiqalyqova qala ákimi men Qyzylorda qalalyq taýarlar men kórsetiletin qyzmetterdiń sapasy men qaýipsizdigin baqylaý basqarmasynyń basshysyna ashyq bazarlarda sanıtarlyq normalardyń saqtalýyn qadaǵalap, turǵyndardyń betperde rejımin saqtaýyn baqylaýǵa alý qajettin tapsyrdy. Halyq jıi shoǵyrlanatyn saýda nysandarynda dezınfeksııalyq sharalar qarqyndy júrýi tıistigin aıtty. Sonymen birge, azyq-túlik baǵasyn turaqty baqylaýda ustap, qajetti qordy aldyn ala jasaqtaýdy mindettedi.
