Marapattaý rásimi saltanatty túrde elimizdiń Berlındegi Elshiliginiń ǵımaratynda "Deutsche Bank" basqarma múshesi Iorg Bongarstyń, GFR SIM-niń "Ońtústik Kavkaz jáne Ortalyq Azııa" bóliminiń basshysy Anke Konradtyń, GFR Ekonomıka jáne energetıka federaldyq mınıstrliginiń syrtqy ekonomıkalyq saıasat departamentiniń dırektory Ekhard Franstyń, "DB Engineering & Consulting" kompanııasynyń bas dırektory, bıyl P.Tılstiń ornyna QGIK teń tóraǵasy laýazymyna taǵaıyndalǵan Nıko Varbanofftyń, sondaı-aq GFR-dyń basqa da qoǵamdyq-saıası jáne isker top ókilderiniń qatysýymen ótti.
D.Káripov QR Prezıdenti Qasym-Jomart Toqaevtyń atynan ekijaqty jemisti yntymaqtastyqty nyǵaıtýǵa qosqan úlesi úshin P.Tılske joǵary memlekettik nagradany tabystaı otyryp, "9 jyl boıy QGIK teń tóraǵasy laýazymyn atqarǵan Peter Tıls ekonomıkanyń túrli salalaryndaǵy birlesken jobalardy júzege asyrýǵa jan-jaqty qoldaý kórsetti, bıznes ókilderi arasynda baılanys ornatty", – dep atap ótti qazaqstandyq dıplomat.
Memleket basshylyǵyna osyndaı joǵary nagrada úshin rızashylyǵyn bildirgen P.Tıls Qazaqstan men Germanııa arasyndaǵy qatynastardy odan ary damytý men dıversıfıkasıalaýdyń zor áleýetine toqtaldy.
Peter Tıls tájirıbeli bankır jáne qarjylyq qyzmetter basshylyǵynda 40 jyldyq eńbek ótili bar. 1977 jyldan bastap ol "Deutsche Bank AG" kompanııasynda túrli joǵary laýazymdar atqardy, banktiń Eýropa jáne Ortalyq Amerıka elderindegi aımaqtyq bólimshelerin basqardy. Joǵary deńgeıdegi kásibıligi men eńbek tájirıbesi arqasynda, 2007-2019 jyldar aralyǵynda Qazaqstan Prezıdenti janyndaǵy sheteldik ınvestorlar Keńesiniń múshesi boldy.
