Búginde oblysta qarý ustaýǵa ruqsaty bar 8 myńnan astam azamat tirkelse, qazan aıyna deıin olardyń úılerinde saqtalatyn qarýlary qaıta túgendeledi. Qarý-jaraqty túgendeý aılyǵynyń alǵashqy aptasynda 20 ákimshilik-quqyqbuzýshylyq derekteri anyqtaldy.
Sonyń ishinde 3 azamat qarý saqtaý erejesin óreskel buzsa, bir turǵynnyń qarý saqtaýǵa ruqsaty bolmaı shyqty,bir turǵyn qaıta tirkeýden ótkizý merzimin ótkizip alǵan. Qarý saqtaıtyn seıftiń qabyrǵaǵa bekitilmegen 3 deregi, qarý saqtaıtyn oryndaǵyarnaıy dabyl berý qondyrǵysynyń isten shyqqan 5 deregi tirkeldi. Mártók jáne Shalqar aýdandarynda 2 elektroshoker men 4 pyshaq tárkilendi.
Shekaradan ótkizý beketinde de qarý-jaraq tekserilip jatyr. Máselen, Mártók aýdanyndaǵy "Jaısań" ótkizý beketinde Reseı Federasııasyna ketip bara jatqan qazaqstandyq azamattyń avtokóliginen 801 "TYRE" markili tirkelmegen elektroshoker qarýy tabylyp, osy derek boıynsha QR Ákimshilik quqyq buzýshylyq Kodeksiniń 482-baby boıynsha ákimshilik is qozǵaldy.
Qarý-jaraq tekserý aılyǵy qazan aıyna deıin sozylady.
