Mekeme Qazaly stansasyndaǵy mehanıkalyq sheberhananyń negizinde 1933 jyly qurylǵan eken. Al stanok odan buryn ákelingen kórinedi. Qazir qurylǵynyń aýdanǵa qaı ýaqytta jetkizilgenin tap basyp aıtatyndar da joqtyń qasy. Anyǵy, osy mekeme ashylǵaly beri qundy múliktiń qatarynda turǵandyǵy. Stanoktyń jasalǵanyna ǵasyrdan assa da áli jumysqa jaramdy bolýynyń basty sebebi kútimdi ustalýynda.
Dıstansııanyń elektromator jáne elektrojetek jóndeý sehynda qurylǵylardy jóndeýshi bolyp eńbek etetin Qýat Nábı kóne aspaptyń «tilin tapqan» sheberdiń biri.
– Eski bolǵandyqtan keıde jumys kezinde sál-pál aýytqý bolady. Ondaı sátte qurylǵyny bastapqy ólshem babyna qaıta keltirip alamyn. Ázirge «Niles» stanogynda jasalǵan bólshekterge qatysty eshkim shaǵym aıtqan joq, – deıdi temir ustasy.
QYZYLORDA
