Sınoptıkterdiń habarlaýynsha, búgin Qazaqstannyń basym bóligine antısıklon áser etedi, osyǵan baılanysty kún raıy ashyq bolady. Tek elimizdiń soltústiginde, shyǵysynda jáne ortalyǵynda atmosferalyq aǵyndardyń ótýine baılanysty qubylmaly aýa raıy saqtalady. Keı jerlerde naızaǵaı oınap, jańbyr jaýady. Elimizdiń keı óńirinde tuman túsip, jel kúsheıedi, jyldamdyǵy 15-20 m/s jetedi.
"Shyǵys Qazaqstan, Pavlodar, kúndiz Túrkistan, Qyzylorda, túnde Mańǵystaý oblystarynyń keı jerlerinde jel 15-20 m/s kúsheıedi. Pavlodar, Aqmola, Jambyl, túnde Soltústiq Qazaqstan, túnde jáne tańerteń Shyǵys Qazaqstan oblystarynyń keı jerlerinde tuman túsedi. Qaraǵandy, Jambyl, Soltústik Qazaqstan, Aqmola oblystarynyń keı jerlerinde 1-3 gradýs úsik júredi. Atyraý, Qyzylorda oblystarynyń basym bóliginde, Qaraǵandy, Túrkistan, Batys Qazaqstan, Aqtóbe oblystarynyń keı jerlerinde tótenshe órt qaýpi saqtalady", - delingen habarlamada.
