Osylaısha, 6 aı ishinde MÁMS-ke 260 mlrd teńgeden astam somada jarnalar men aýdarymdar tústi. Sonymen qatar, olardyń basym bóligi - 146,6 mlrd teńge - bul halyqtyń 15 jeńildikti sanatyna jatatyn 11 mln-ǵa jýyq azamattar úshin jarnany memleket tóledi.
«Qor 2020 jyldyń 6 aıynyń qorytyndysy boıynsha MÁMS paketi sheńberinde kórsetilgen medısınalyq qyzmetter úshin 156,7 mlrd teńgeden astam qarajat tólendi. Tólem halyqqa kórsetilgen medısınalyq qyzmetterdiń sapasy men kólemine monıtorıng júrgizilgennen keıin ǵana júzege asyrylady. Klınıkalyq hattamalardy jáne emdeýge qajetti talaptardy saqtaı otyryp, fakti boıynsha kórsetilgen jáne qujatpen rastalǵan qyzmetter ǵana tólenedi» - dep atap ótti.
Qordyń baspasóz qyzmetinde túsindirgendeı, MÁMS úshin jarnalar men aýdarymdar Áleýmettik medısınalyq saqtandyrý qorynyń ózine emes, Ulttyq banktegi arnaıy shotqa túsedi. Ol jerden qarajat MÁMS paketi boıynsha kórsetilgen medısınalyq qyzmetterge aqy tóleýge medısınalyq uıymdar – Qordyń jetkizýshilerine jiberiledi.
Qorda naqtylaǵandaı, jarty jyldyqtaǵy shyǵyndardyń basym bóligi stasıonarlyq medısınalyq kómek tólemi - 50 mlrd teńgeden astam. 6 aı ishinde josparly túrde elimizdiń stasıonarlarynda 630 myńnan astam adam emdeldi.
Kórsetilgen konsýltasııalyq-dıagnostıkalyq kómek úshin shamamen 42 mlrd teńge tólendi. Atap aıtqanda, dıagnostıkalyq qyzmetter arasynda KT jáne MRT qyzmetteri azamattar úshin ózekti. Jarty jyl ishinde pasıentterge 1,1 mlrd teńgeden astam somaǵa 96 myńnan astam KT qyzmeti jáne 1,6 mlrd teńgeden astam somaǵa 101 myńnan astam MRT qyzmeti kórsetildi.
Sonymen qatar, qańtar men maýsym aralyǵynda 3 mln-nan astam stomatologııa, 2 mln-ǵa jýyq rentgen jáne 1,6 mln-nan astam ÝDZ-dıagnostıka qyzmetteri kórsetildi, olardyń jalpy quny 15 mlrd teńgeden asady. Olardyń barlyǵy MÁMS paketinde medısınalyq saqtandyrý qarajaty esebinen kórsetildi, pasıentterge medısınalyq kómek úshin Qor aqy tóledi.
Esterińizge sala keteıik, birinshi jartyjyldyqta barlyq qazaqstandyqtar MÁMS júıesinde shartty túrde saqtandyrylǵan jáne medısınalyq qyzmetterdi kepildi kómek aıasynda, sondaı-aq MÁMS aıasynda paıdalana alatyn.
Qazir quny 11 mlrd teńgeden asatyn 50 myńnan astam qazaqstandyq medısınalyq ońaltýdan ótti. Jarty jylda taǵy 3,8 myńnan astam azamat 11 mlrd teńgeden astam somaǵa joǵary tehnologııalyq medısınalyq qyzmet aldy.
Esterińizge sala keteıik, ekinshi toqsanda karantın aıasynda josparly túrde medısınalyq kómek kórsetýge shekteý qoıyldy. 1 tamyzdan bastap elimizdiń klınıkalarynda josparly medısınalyq kómek qaıta bastaldy, sondyqtan ekinshi jartyjyldyqta MÁMS júıesinde kórsetilgen medısınalyq qyzmetter boıynsha kórsetkishterdiń ósýi kútilýde.
