"Bazalyq ssenarıı boıynsha ishki suranys pen eksporttyń tómendeýine baılanysty 2020 jyly jalpy ishki ónim 2-2,3% tómendeıdi. Tutynýshylardyń suranysy qysqarady dep kútilýde.Pandemııaǵa baılanysty halyqtyń aqshalaı kirisi azaıdy. Munaı baǵasynyń tómendeýi, sondaı-aq ekonomıkalyq belsendiliktiń qysqarýy jáne TShO qurylysyndaǵy ınvestısııalyq belsendiliktiń báseńdeý negizgi faktorlar bolady", dedi Aqyljan Baımaǵambetov.
Sonymen qatar, ol syrtqy suranystyń tómendeýine jáne OPEK + kelisimi boıynsha óndiris kóleminiń qysqarýyna baılanysty eksport teris dınamıkany kórsetetinin atap ótti.
"Bizdiń jańartylǵan boljamymyzǵa sáıkes, jyldyq ınflıasııa 2020 jyldyń sońyna qaraı 8% quraıdy, ıaǵnı buryn jarııalanǵan 8-8,5% aralyǵynda tómengi shekke jaqyn bolady. Inflıasııalyq prosester azyq-túlik baǵalarynyń úzdiksiz ósýine baılanysty. Sonymen qatar, aqyly qyzmetter baǵasynyń ósý múmkindigimen baılanysty ınflıasııalyq táýekelderdiń paıda bolý yqtımaldylyǵy bar. Desek te, halyqtyń naqty aqshalaı kiristeriniń álsiz dınamıkasy men álemdik azyq-túlik taýarlarynyń baǵasy tómendeıdi dep kútilýde. Iаǵnı, bul 2020 jyly ınflıasııanyń ósýin shekteıdi", dedi Aqyljan Baımaǵambetov.
Onyń aıtýynsha, 2021 jyldyń aıaǵynda ınflıasııa birtindep baıaýlap, 4-6 %-dyq deńgeıde turaqtanatynyn tilge tıek etti. «Inflıasııanyń edáýir baıaýlaýy 2021 jyly respýblıkalyq bıýdjettiń joǵary tapshylyǵymen jáne 2020 jylǵa qaraǵanda syrtqy ınflıasııalyq fonnyń shamaly ósýimen shekteledi»,– dedi ol.
