Qoǵam • 08 Qyrkúıek, 2020

Elimizde mal urlyǵy 24 paıyzǵa azaıdy

7 ret kórsetildi

Elimizde mal urlyǵy 24 paıyzǵa azaıdy. Bul týraly QR Bas prokýrorynyń orynbasary Marat Ahmetjanov aıtty, dep habarlaıdy Egemen.kz QazAqparatqa silteme jasap.

"Aýyr qylmystardyń biri - mal urlyǵy. Prezıdent bul máselege erekshe kóńil bólip otyr. Mal búginde halyqtyń baılyǵy emes, ol qashanda tirshiliktiń kózi. Qazaq amandasqanda aldymen "mal-jan aman ba?" dep suraıdy. Onyń maǵynasy zor. Sebebi qarapaıym qazaq azdaǵan malymen jan baǵyp otyr. Sońǵy jyldary mal urlyǵy kásipke aınalyp, uıymdasqan qylmys túri bolyp ketti. Sondyqtan Qylmystyq kodekske "mal urlaý" degen jeke bap qostyq. Ol nátıjesin berýde. Qazirgi kúni mal urlyǵy 24 paıyzǵa azaıyp otyr", dedi ol Ortalyq kommýnıkasııalar qyzmetindegi baspasóz máslıhatynda.

Onyń aıtýynsha, jazanyń aýyrlatylýy jáne tatýlasýǵa tyıym salý urlyqqa myqty tosqaýyl boldy.

"Máselen, osy jyldyń mamyrynda Túrkistan oblysynda mal urlyǵymen aınalysqan 5 adamnan turatyn qylmystyq top ustaldy. Olar 200-ge jýyq iri qarany urlap, aýyl adamdaryna mıllıondaǵan shyǵyn keltirdi. 1 qyrkúıekte mal urlyǵy týraly jańa bappen osy 5 adamnyń árqaısysyn 8 jylǵa bas bostandyǵynan aıyrdy", dedi Marat Ahmetjanov.

 

Sońǵy jańalyqtar

Almaty qalasynda jer silkindi

Aımaqtar • Keshe

Uqsas jańalyqtar