Qazaqstan • 08 Qyrkúıek, 2020

Prokýratýra 1 qazannan bastap prosessýaldyq sheshimder elektrondy formatta shyǵarylatynyn málimdedi

14 ret kórsetildi

2020 jyldyń 1 qazanynan bastap azamattarymyzdyń konstıtýsııalyq quqyǵyna qatysty ister boıynsha basty prosesýaldyq sheshimder shyǵarý elektrondy formatqa kóshiriledi. Bul týraly QR Bas prokýrorynyń orynbasary Marat Ahmetjanov aıtty, dep habarlaıdy Egemen.kz QazAqparatqa silteme jasap. 

"1 qazannan bastap sotqa deıingi tergeýmen aınalysatyn barlyq quqyq qorǵaý organdary azamattarymyzdyń konstıtýsııalyq quqyǵyn qozǵaıtyn ister boıynsha basty prosessýaldyq sheshim shyǵarýdy elektrondy formatqa kóshiredi. Keshe elimizdiń bas prokýrory Pavlodar oblysyna jumys saparymen baryp, jańashyldyq is júzinde qalaı áreket etetindigimen, onyń múmkindigimen tanysty", dedi ol Ortalyq kommýnıkasııalar qyzmetindegi baspasóz máslıhatynda.

Onyń aıtýynsha, 1 qazannan bastap kez kelgen prosessýaldyq sheshim shyǵarylǵannan keıin birden sotqa deıingi tergeýdiń biryńǵaı tizimine engiziletin bolady. Al ol qadaǵalaýshy prokýror men prosessýaldyq prosestiń ózge de qatysýshylaryna kórinip turady. О́z kezeginde prokýror sheshimniń zańdylyǵyn der ýaqytynda qadaǵalaı alady. Zań buzýshylyq oryn alǵan jaǵdaıda ol elektrondy formatty joıady.

"Prezıdent atap ótkendeı, qadaǵalaýdyń kesheýildeý jaǵdaıy bar. Qaǵaz nusqada ony burmalaýǵa, ózgertýge bolady. Al muny boldyrmaý tásiliniń biri – sıfrlandyrý. Bul prokýrorlarǵa qosymsha ókilettik emes, qylmystyq isterde azamattardyń quqyǵy úshin qosymsha jaýapkershilik júkteıdi. Sondyqtan da biz munyń qalaı jumys isteıtindigin Pavlodar oblysynda baıqap kórdik, beıimdedik jáne 1 qazannan bastap búkil elimizge bul júıeni engizýge bolady degen paıymǵa keldik", dedi Marat Ahmetjanov.

 

Sońǵy jańalyqtar

Uqsas jańalyqtar