Aqtóbe oblystyq Densaýlyq saqtaý basqarmasynyń basshysy Samat Danııarovtyń aıtýynsha, jalaqynyń keshiktirilýi Áleýmettik medısınalyq saqtandyrý qorynyń kórsetilgen medısınalyq kómek úshin tarıfterdi qaıta esepteýimen baılanysty.
"Pandemııa kezinde aýrýhanalar provızorlyq stasıonarǵa aınaldy. Al medısına qyzmetkerleri koronavırýs ınfeksııasy jáne ókpe qabynýy dertimen kúreske jumyldyryldy. О́mirin qaýipke tikkeni úshin qosymsha aqy qarastyrylǵan bolatyn. Pandemııany eshkim kútken joq, sondyqtan jospardan tys taǵy qosymsha aqsha jumsaýǵa týra keldi. Sonymen birge qyzmetkerlerdiń negizgi jumysynyń jalaqysy saqtaldy, ústine qosymsha tólendi. Ári medısınalyq saqtandyrý qory tarıfti qaıta qarady. Munyń bári jalaqynyń keshigýine sebep boldy. Búginde maýsym jáne shilde aıynyń tólemi berildi. Birer kúnde tamyz aıynyń eńbekaqysy aýdarylady. Bul tek birneshe aýrýhana qyzmetkerine qatysty másele. Aqtóbe medısınalyq ortalyǵynyń eresekter jáne balalar klınıkasy, oblystyq ftızıopýlmonologııalyq ortalyǵy bar. Sońǵysy bereshekti tolyq ótedi", dedi Samat Danııarov.
Oblysta indetpen kúres jumystaryna 2 mıllıard teńgeden astam qarjy bólindi. Shilde aıynda qarjynyń barlyǵy jumsalǵan.
"Qosymsha qarjylandyrýdy kútpeı biz qordan 1 mıllıard teńgeden astam qarjyny bólip, qaryzǵa berdik. Qazirgi ýaqytta bıýdjetten 2 mıllıard teńgeden astam qarjyny bólý máselesi qarastyrylyp jatyr. Birer kúnde tamyz aıynyń jalaqysyn tóleý josparda bar. Tehnıkalyq qıyndyqtar da boldy. Mınıstrlik kómegimen sheshilip jatyr", dedi "Mindetti áleýmettik medısınalyq qory" AOF dırektory Batyrbek Nurǵalıev.
