"Sheteldikter men azamattyǵy joq adamdardyń Qazaqstan Respýblıkasyna kelýine shaqyrýlaryn resimdeý, shaqyrýlaryn kelisý, Qazaqstan Respýblıkasynyń vızalaryn berý, kúshin joıý, qalpyna keltirý, sondaı-aq olardyń qoldanylý merzimderin uzartý jáne qysqartý qaǵıdalaryn bekitý týraly" QR Syrtqy ister mınıstriniń m.a. 2016 jylǵy 24 qarashadaǵy № 11-1-2/555 jáne QR Ishki ister mınıstriniń 2016 jylǵy 28 qarashadaǵy № 1100 birlesken buıryǵyna (budan ári - Qaǵıdalar) engizilgen ózgerister men tolyqtyrýlarǵa baılanysty 2020 jylǵy 18 qyrkúıekten bastap:
- "Memlekettik qyzmetterdi kórsetý máseleleri boıynsha Qazaqstan Respýblıkasynyń keıbir zańnamalyq aktilerine ózgerister men tolyqtyrýlar engizý týraly" 2019 jylǵy 25 qarashadaǵy Qazaqstan Respýblıkasynyń Zańyn iske asyrý maqsatynda, Qazaqstan Respýblıkasynyń Ishki ister, syrtqy ister mınıstrlikteri jáne shet elderdegi mekemelerimen kórsetiletin memlekettik qyzmetterdi kórsetý tártibi (standarttar men reglamentter) aıqyndaldy;
Qazaqstan Respýblıkasy Ishki ister mınıstrligi "Qazaqstan Respýblıkasynyń vızalaryn berý boıynsha qabyldaýshy tulǵalardyń shaqyrýlaryn qabyldaý jáne kelisý", "Sheteldikter men azamattyǵy joq adamdardyń Qazaqstan Respýblıkasyna kelý jáne Qazaqstan Respýblıkasynan ketý quqyǵyna Qazaqstan Respýblıkasynyń aýmaǵynda vızany berý, qalpyna keltirý jáne uzartý" memlekettik qyzmetterin kórsetedi;
Qazaqstan Respýblıkasynyń Syrtqy ister mınıstrligi jáne shet elderdegi mekemeler "Qazaqstan Respýblıkasyna kirýge jáne Qazaqstan Respýblıkasynyń aýmaǵy arqyly tranzıttik ótýge vızalar berý, olardyń merzimin uzartý" memlekettik qyzmetin kórsetedi.
Qazaqstannyń halyqaralyq áýejaılarynda vızalardy berý ókilettigi QR Ishki ister mınıstrligine berildi;
- elektrondy vıza berý tártibi normatıvti túrde bekitildi. Bir márteli iskerlik, týrıstik jáne emdelýge arnalǵan vızalardy elektrondyq formatta ala alatyn 109 elden turatyn tizim keńeıtildi jáne bekitildi. QR Memlekettik shekarasynan ótý Qazaqstannyń barlyq halyqaralyq áýejaılarynda júzege asyrylady;
- burynǵy otandastarǵa ótinish negizinde 3 (úsh) jylǵa deıingi merzimge jeke saparǵa arnalǵan kóp márteli vızalardy alýǵa quqyq beriledi;
- ınvestorlar úshin vızalardyń qoldanylý merzimi 3 (úsh) jyldan 5 (bes) jylǵa deıin ulǵaıtyldy;
- "Qazaqstan Respýblıkasynyń keıbir konstıtýsııalyq zańdaryna ózgerister men tolyqtyrýlar engizý týraly" 2019 jylǵy 30 jeltoqsandaǵy QR Konstıtýsııalyq zańyn iske asyrý maqsatynda, "Astana" halyqaralyq qarjy ortalyǵynyń" ınvestısııalyq rezıdentterine vıza berý tártibi aıqyndaldy;
- bıznes-kóship kelýshilerge shaqyrý resimdeý barysynda Qazaqstan Respýblıkasy oblystarynyń, respýblıkalyq mańyzy bar qalalardyń jáne astananyń jergilikti atqarýshy organdarynyń qoldaýhatyn kóshi-qon qyzmeti organdaryna usyný talaby alynyp tastaldy;
- Qazaqstannyń aýmaǵynda "V10" (jeke), "S3" (jumys) jáne "S9" (bilim berý) vızalarynyń sanattaryn "S2" sanatyndaǵy (otbasyn biriktirý) vızasyna aýystyrý múmkindigi qarastyrylǵan;
- Qazaqstannyń dinı qyzmet salasyndaǵy ýákiletti organynyń jazbasha kelisimi bolǵan jaǵdaıda, Qazaqstan Respýblıkasynda mıssıonerlik qyzmetti júzege asyratyn sheteldikterge "S7" sanatyndaǵy vızasyn uzartýǵa shekteý alynyp tastaldy (buǵan deıin QR aýmaǵynda bul vızanyń bir ret qana uzartylýyna jol berilgen).
