Aımaqtar • 10 Qyrkúıek, 2020

Jıyn-terin aıaqtalýǵa jaqyn

23 ret kórsetildi

Bıyl Aqtóbe oblysynyń sharýalary 445 myń gektar jerge dándi daqyl, 46 myń 200 gektarǵa maıly daqyl, 104 myń gektarǵa jońyshqa, júgeri, arpa sııaqty mal azyǵyn, 3310 gektarǵa kókónis otyrǵyzdy. Kóktemdegi kólik qozǵalysynyń shekteýlerine qaramastan, aýylsharýashylyq qurylymdarynyń tehnıkasyna kidiris bolǵan joq ári sharýa qojalyqtary arzan janar-jaǵarmaımen qamtamasyz etildi. Sonyń nátıjesinde qyrkúıektiń sońǵy aptasynda jıyn-terin jumystary aıaqtalmaq.

Bıylǵy bıdaı túsimi – ár gektardan 9,5-10 sentner. Jınalǵan astyq jalpy sy­ıymdylyǵy 500 myń tonna bolatyn jeti elevatorda saqtalady. Eki elevator – Aqtóbe qalasynda, qalǵandary Alǵa, Mártók, Qarǵaly, Qobda, Hromtaý aýdandarynyń or­talyqtarynda ornalasqan. Odan ózge eldi mekenderde sharýa qojalyqtarynyń astyq saqtaıtyn 180 qoımasy bar.

Aqtóbelik sharýa qoja­lyqtary ázirge astyq satýǵa onsha yqylasty emes. О́ıtkeni álemdegi bıdaı baǵasy qysqa taıaý kúrt kóteriledi degendi estigen soń sharýalar saqtaýǵa múmkindik bolsa, bıdaıdy qambada ustaı turýdy tıim­direk sanaıdy. Bul úshin dán­di daqyldardy shiritpeı uzaq­merzimdi saqtaýǵa laıyq qam­balar jelisin jańartý, astyq ónimderin óńdeıtin kásip­oryn­dar jelisin kóbeıtý – óńirlerdegi maqsatty jo­balar­dyń birine aınalýy tıis.

Bıyl respýblıkalyq bıýd­jetten oblysqa 19 mlrd teńge sýbsıdııa bólindi. Mem­lekettik qoldaýǵa qol jetkizgen Mártók, Qarǵaly aýdandarynyń dıqan­dary óńirde buryn-sońdy ósir­megen burshaq tuqymdas maıly daqyldardy ósirip, joǵary agrotehnıkalyq sharalardyń nátıjesinde mol ónim jınap, burshaq pen jońyshqa eks­portynyń tıimdi joldaryn oılastyryp jatyr. Mal azyǵy daqyldarynan joǵary ónim alýǵa bıyl 10 600 gektar sýarmaly jerdi qosymsha aınalymǵa engizý múmkindik berdi. 2021 jyly sýarmaly jer kólemi 40,8 myń gektarǵa ulǵaıtylyp, qaraýsyz qalǵan burynǵy sý toǵandary qalpyna keltirilmek. Bul úshin qysta qar toqtatý, kóktemde erigen qar sýyn ustap shaǵyn sý toǵan­daryna jınaý júıeli iske asyrylýy kerek.

 

Aqtóbe oblysy

 

Sońǵy jańalyqtar

Dollar qymbattady

Qarjy • Búgin, 10:59

Elordada áýe shary qulady

Oqıǵa • Búgin, 10:37

Qarjy mınıstriniń orynbasary taǵaıyndaldy

Taǵaıyndaý • Búgin, 10:24

EQYU Bas hatshysy Qazaqstanǵa keledi

Parlament • Búgin, 09:31

Beısenbige arnalǵan aýa raıy boljamy

Aýa raıy • Búgin, 09:00

Uqsas jańalyqtar