Senator men vıse-mınıstr aldymen Jalaǵash aýdandyq aýrýhanasy qurylysymen, aýdandyq emhana jumysymen tanysty. Aýdandaǵy 33 myńnan astam turǵynǵa ortalyq aýrýhana, aýdandyq emhana, 12 dárigerlik ambýlatorııa, 2 feldsherlik-akýsherlik, 3 medısınalyq beket qyzmet kórsetedi. Munda koronavırýs indetine qarsy kúreske 182 medısına qyzmetkeri jumyldyrylyp, olarǵa 65,6 mln teńge ústemeaqy tólengen. Aýdan boıynsha koronavırýs ınfeksııasyn juqtyrǵan 113 jaǵdaı tirkelgen, olardyń 111-i jazylyp shyqty.
Sapar aıasynda Qarmaqshy aýdany Tóretam kentindegi №80, Baıqońyr qalasyndaǵy №272 orta mektepterinde júrgizilip jatqan jóndeý jumystaryn kórdi. Baıqońyr qalasyndaǵy kópbeıindi aýrýhanada medısına qyzmetkerlerimen kezdesip, mamandardyń usynys-pikirlerin tyńdady. Kelesi kúni sapar oblystyq juqpaly aýrýlar aýrýhanasynda jalǵasty. Aýrýhana 185 tósektik orynǵa arnalǵan. Epıdemııalyq ahýalǵa baılanysty qosymsha 170 ınfeksııalyq, 90 provızorlyq oryn jasaqtalǵan.
Osydan keıin Ulttyq saraptama ortalyǵy, oblystyq kópbeıindi aýrýhana men №3 qalalyq emhana jumysymen tanysqan meımandar oblystyq mekemeler úıinde dárigerlermen basqosý ótkizip, indettiń ekinshi tolqynyna daıyndyq barysyn talqylady.
Qyzylorda oblysy
