"Al 2020 jyldyń tamyz aıynda elordada medısınalyq saqtandyrý úshin 2,4 mlrd teńgeden asa jarna aýdarylǵan. Olardyń qomaqty bóligi – 1,4 mlrd teńgeden astamy jumys berýshilerdiń aýdarymdary, al 988 mln teńgeden astamy – jeke kásipkerlerden túsken jarnalar", deıdi "Áleýmettik medısınalyq saqtandyrý qory" KeAQ Nur-Sultan qalasy boıynsha fılıalynyń halyqty aqparattandyrý jáne ótinishterdi qarastyrý bóliminiń jetekshisi Danara Mýsına.
Sondaı-aq 2020 jylǵy 28 tamyzdaǵy jaǵdaı boıynsha, MÁMS úshin biryńǵaı jıyntyq tólem (BJT) negizinde túsken jarna 17,6 mln teńgeni quraıdy. Biryńǵaı jıyntyq tólem jasaý – áleýmettik jáne medısınalyq saqtandyrý júıesine qatysýǵa quqyq beredi.
Esterińizge sala keteıik, Medısınalyq saqtandyrý qorynyń qyzmeti boıynsha saýaldaryńyz bolsa, Qoldau-24/7 mobıldi qosymshasyn telefonǵa júktep alyp, kez kelgen ýaqytta ótinish qaldyrýǵa bolady. Keri baılanystyń bul túri, ásirese qazirgi sátte, suranysqa ıe. Sebebi, azamattardyń kópshiligine ótinishti elektrondy tásilmen qaldyrǵan yńǵaıly.
Azamattardan kelip túsken barlyq ótinishter óńdelip, tirkeý nómirimen ótinishter tizilimine túsedi. Turǵyndar tarapynan túsken ótinishterge monıtorıng júrgiziledi, qajet bolǵan jaǵdaıda belgilengen merzimde sheshim qabyldaý úshin saraptamalyq baǵalaýǵa beriledi.
Áleýmettik medısınalyq saqtandyrý qorynyń Qoldau-24/7 mobıldi qosymshasyn Android smartfondary úshin Play Market arqyly, Apple smartfondary úshin App Store arqyly júktep alýǵa bolady.
