Bilim • 11 Qyrkúıek, 2020

Almaty kolledjderi qashyqtan bilim alady

27 ret kórsetildi

Almaty qalasy Bilim Basqarmasynda jańa oqý jylynda tehnıkalyq jáne kásiptik orta bilim berý mekemelerinde oqý prosesiniń uıymdastyrylýy týraly aıtyldy. Barlyq kolledjder aldyn ala aqparat alyp, qashyqtan sapaly bilim berýdi qamtamasyz etý úshin barlyq máseleler taldanǵan, dep habarlaıdy Egemen.kz

Qalada tehnıkalyq jáne k»siptik tehnıkalyq bilim beretin 82 oqý orny jumys isteıdi, onyń ishinde 22-si memlekettik, 60-y jekemenshik kolledjder. Bilim alýshylar sany 66 myń.

"Oqý jylynyń basynda pedagogtar sany shamamen 4025 adamdy qurady. Barlyq pedagogtar ınternetpen jáne kompıýterlermen qamtamasyz etilgen. 3700-den astam pedagog IT quzyrettilikterdi arttyrý kýrstarynan ótti. 18 qyrkúıekke deıin barlyq pedagogterdi IT quzyrettilik kýrstarynan 100% ótkizý josparlanýda", dep atap  ótti Bilim Basqarmasynyń TjKB bóliminiń basshysy Áset Muhanbetov.

Barlyq kolledjder Paragraph.bilim, EduPage, SmartCommunity, Moodle, SmartNation, Platonus, GoogleClassroom, Kanvas sandyq rlatformaǵa qosylǵan.

14 myńnan astam sandyq resýrstarmen katalog quryldy. Onyń ishinde 2 317 beıne sabaq, 405 elektrondyq oqýlyq, 11 575 qosymsha materıaldar bar. Bul katalog únemi jańa bilim berý jáne ádistemelik resýrstarmen tolyqtyrylyp otyrady. Oqý jyly qashyqtan oqytýdan bastaldy. Kolledjderde pedagogıkalyq, ekonomıkalyq, IT, áleýmettik-gýmanıtarlyq mamandyqtar boıynsha oqytý 100% qashyqtan júrgiziledi.

Tehnıkalyq, tehnologııalyq, agrarlyq baǵyttar boıynsha, medısına jáne óner mamandyqtary boıynsha teorııalyq sabaqtar onlaın ótkiziledi. Kásiptik praktıkadan, óndiristik oqytýdan ótý basqa merzimderge aýystyrylady (aǵymdaǵy oqý jylynyń qarashasynan bastaý josparlanýda).

Bilim alýshylar úshin onlaın-sabaqtardyń uzaqtyǵy 35 mınýttan aspaıdy.

"Kompıýteri joq stýdentterge búginde TjKB oqý oryndarynyń qorynan 2127 kompıýter berildi. Kolledjderdiń únemdelgen qarajaty esebinen 224 kompıýterlik tehnıka satyp alyndy. Taǵy 250 noýtbýk satyp alý josparlanýda", dedi Á.Muhanbetov.

Týrızm jáne qonaqjaılylyq ındýstrııasy kolledjiniń 3 kýrs stýdenti Oljas Bazarbekov kolledjde oqý qashyqtan júrzilip jatqanyn atap ótti. Oqý úshin barlyq múmkindikter bar: onlaın platformalar qoljetimdi, stýdentter qajetti tehnıkamen jáne oqý-ádistemelik materıaldarmen qamtamasyz etilgen. Kolledjder oqý prosesin uıymdastyrý boıynsha ádistemelik usynymdarmen jáne qajetti normatıvtik quqyqtyq aktilermen qamtamasyz etilgen.

"Qashyqtan bilim berý prosesiniń sapasyn qamtamasyz etý boıynsha TjKB uıymdarynyń basshylarymen DKB júıeli negizde júrgiziledi. Bul baǵyttaǵy jumys bizdiń únemi baqylaýymyzda", dedi Á.Muhanbetov.

Sońǵy jańalyqtar

Elordada Ulttyq Onim kórmesi ashyldy

Elorda • Búgin, 16:52

Dollar 425 teńgeni qurady

Qarjy • Búgin, 16:33

Aqtóbede jol apatynan eki adam qaza tapty

Aımaqtar • Búgin, 13:35

Uqsas jańalyqtar