ǴARYShTY MYQTYLAR ǴANA IGEREDI

Keshe elordada “Qazaqstannyń ǵarysh­tyq dáýiri: búgini, bolashaǵy jáne ınno­vasııalary”, degen taqyrypta konferensııa ótti. Bul basqosýǵa Halyq qaharmany, “Qazǵarysh” UǴA tóraǵasy Talǵat Musabaev, sondaı-aq, “Nur Otan” HDP Astana qalalyq fılıaly ókilderi, Parlament depýtattary, mınıstrlikter men vedomstvo­lar qyzmetkerleri, “Qazaqstan ǵarysh sapary” kompanııasy ókilderi qatysty. Innovasııa úrdisimen tyǵyz baılanys­tyrylatyn ǵarysh salasyn jedeldete damytý – búginde memlekettiń alǵa qoıǵan aýqymdy mindetteriniń eleýlisi sanalady. Memleket basshysynyń “Qazaqstan-2030” Strategııasy men Qazaqstan halqyna dástúr­li joldaýlarynda da ǵaryshtyq zertteýlerdi arttyrý turǵysynda naqtyly aıtylǵan. Búginde osy aýqymdy mindet údesinen shyǵý sala mamandaryna úlken jaýapkershilik júktep otyr. Konferensııa barysynda sóz alǵan “Qazǵarysh” UǴA tóraǵasy Talǵat Musabaev ǵaryshty zertteý salasynyń búgingi jaı-kúıi, kedergileri men bolashaǵy tóńireginde óz oı-paıymymen bólisti. Onyń sózine qaraǵanda, ǵarysh salasyna qajetti mamandardy kóptep shoǵyrlandyrý – búgingi kúnniń mańyzdy talaby bolýy tıis. Bul rette, joǵary oqý oryndarynda ǵarysh salasyna mamandana­tyn jastardy daıarlap, olardyń biliktiligin arttyrý baǵytyndaǵy jumystar júıeli túrde júzege asyrylýy qajet. “Máselen, Prezıdenttiń “Bolashaq” memlekettik baǵdarlamasy negizinde alys jáne jaqyn shetelderdiń joǵary oqý oryndarynda ǵarysh salasy mamandaryn daıarlaý budan keıin de jalǵasyn tabýy tıis. Mundaı ıgi úderis óz elimizde de bar. Máselen, jaqyn bolashaqta Q.Sátbaev atyndaǵy Qazaq ulttyq tehnıkalyq ýnıversıteti men ál-Farabı atyndaǵy Qazaq ulttyq ýnıversı­tetinde ǵarysh salasynyń bilikti mamandary daıarlanyp shyǵady. Buǵan barlyq múmkindik bar”, deıdi Talǵat Musabaev. Basqosýda sondaı-aq, agenttiktiń aýqym­dy ári mańyzdy jobalaryn tıimdi qarjy­landyrý, ǵaryshtyq, ǵylymı-tehnologııalyq bilim máseleleri de talqyǵa tústi. Láıla EDILQYZY.